Bjarmahlíð - miðstöð fyrir þolendur ofbeldis

Bjarmahlíð er miðstöð fyrir þolendur ofbeldis og býður upp á ráðgjöf og upplýsingar fyrir einstaklinga frá 16 ára aldri sem hafa verið beittir ofbeldi. Hjá Bjarmahlíð er unnið með þolendum ofbeldis á þeirra forsendum. Öll þjónusta og ráðgjöf er undir sama þaki með það að markmiði að auðvelda þolendum að leita sér aðstoðar. Bjarmahlíð leggur áherslu á þverfaglega samvinnu mismunandi stofnanna og samtaka sem koma að vinnu á staðnum. Brotaþola er mætt í hlýlegu og öruggu umhverfi, á þeirra forsendum og einstaklingum að kostnaðarlausu. Einstaklingsviðtöl og ráðgjöf er i boði svo og tenging við aðra þjónustu sem er til staðar, þ.m.t velferðarþjónustu sveitafélaganna og heilsugæslu. Markmiðið Bjarmahlíðar er að efla fræðslu og umfjöllun um eðli og afleiðingar ofbeldis, ásamt því gefa skýr skilaboð um að ofbeldi verði ekki liðið.

About

Bjarmahlíð - miðstöð fyrir þolendur ofbeldis - teymisstjóri

Bjarmahlíð leitar að teymisstjóra

Bjarmahlíð er þolendamiðstöð sem starfar samkvæmt hugmyndafræði Family Justice Centers, þar sem lögð er áhersla á að veita þolendum ofbeldis þverfaglegan stuðning á einum stað. Jafnframt vinnur miðstöðin markvisst að forvörnum og fyrirbyggjandi aðgerðum gegn ofbeldi.

Leitað er að öflugum, metnaðarfullum og drífandi einstaklingi í starf teymisstjóra. Teymisstjóri gegnir lykilhlutverki í þjónustu við þolendur ofbeldis, leiðir teymi fagfólks, tryggir gæði þjónustunnar og kemur fram sem málsvari skjólstæðinga. Um er að ræða krefjandi en afar gefandi starf fyrir einstakling með brennandi áhuga á mannréttindum og velferð þolenda ofbeldis.

Helstu verkefni og ábyrgð

Fagleg forysta og stefnumótun: Leiða teymi fagfólks, tryggja gæði þjónustu, taka þátt í stefnumótun og tryggja framgang stefnu Bjarmahlíðar.
Daglegur rekstur og þjónusta: Skipulag og ábyrgð á daglegum rekstri, vörslu og meðferð fjármuna, móttöku og þjónustu við skjólstæðinga.
Skjólstæðingaviðtöl og úrræði: Taka viðtöl við skjólstæðinga, meta þarfir þeirra og finna viðeigandi úrræði í samráði við þá.
Starfsmannahald: Skipulag vinnutíma starfsmanna, utanumhald um vinnuskil og orlofsskipulag.
Fjármál og fjáröflun: Fjáröflun fyrir samtökin, þ.m.t. gerð styrkumsókna, og gerð draga að ársskýrslu og fjárhagsáætlun í samstarfi við framkvæmdaráð.
Samstarf og tengslanet: Uppbygging og viðhald á virku samstarfi við lykilsamstarfsaðila, svo sem lögreglu, barnavernd og félagsþjónustu.
Fræðsla og kynningarstarf: Skipulag og framkvæmd kynninga á starfsemi miðstöðvarinnar fyrir fagfólk og almenning.
Kynningar- og upplýsingamál: Koma fram sem talsmaður Bjarmahlíðar í fjölmiðlum og á opinberum vettvangi í samráði við framkvæmdaráð, ásamt ábyrgð á vefsíðu og samfélagsmiðlum.
Stjórnsýsla: Sitja fundi framkvæmdaráðs og rita fundargerðir.

Menntunar- og hæfniskröfur

Menntun: Háskólamenntun sem nýtist í starfi.
Starfsreynsla: Reynsla af vinnu með þolendum ofbeldis.
Stjórnunarreynsla: Stjórnunarreynsla og reynsla af teymisvinnu er æskileg.
Fagþekking:

Þekking á áfallamiðaðri nálgun og helstu úrræðum fyrir þolendur ofbeldis.
Þekking á réttarvörslukerfinu, félagsþjónustu, barnavernd og stjórnsýslu er mikill kostur.