Aðstoðarleikskólastjóri óskast í leikskólann Ævintýraborg við Nauthólsveg
Leikskólinn er staðsettur við rætur Öskjuhlíðar, steinsnar frá sjó og skógi. Við leggjum áherslu á útinám, leik, jákvæð samskipti og skapandi starf. Hjá okkur er öflugt félagslíf og hlýleg vinnustaðamenning þar sem vinátta og samvinna eru í hávegum höfð.
Við leitum að hugmyndaríkum og drífandi aðstoðarleikskólastjóra í fullt starf, sem vill taka þátt í að skapa öruggt, skapandi og hamingjuríkt umhverfi fyrir börn, starfsfólk og foreldra. Sem aðstoðarleikskólastjóri ertu í lykilhlutverki stjórnendateymisins. Þú vinnur náið með leikskólastjóra að daglegri stjórnun, faglegri forystu og þróun skólastarfsins. Þú ert leiðtogi sem hvetur, styður og veitir starfsfólki innblástur og tekur virkan þátt í að móta framtíð leikskólans.
Við trúum því að leikskólinn sé meira en bara staður – hann er ævintýri í mótun, þar sem hvert barn fær að blómstra á sínum forsendum. Ef þú ert tilbúin(n) til að taka þátt í þessu ævintýri með okkur þá viljum við heyra frá þér!
Helstu verkefni og ábyrgð í samstarfi við leikskólastjóra
- Ábyrgð á að unnið sé eftir Aðalnámskrá leikskóla, skólanámskrá og þar að lútandi lögum og reglugerðum.
- Dagleg stjórnun og skipulagning skólastarfsins.
- Fagleg forysta á sviði kennslu og skólaþróunar.
- Stefnumótun og mat á skólastarfi.
- Skýrslu- og áætlanagerðir.
- Ráðningar, innkaup og rekstur.
- Upplýsingagjöf og kynning á skólastarfi.
- Stuðningur, fræðsla og ráðgjöf til foreldra og forráðamanna.
- Virkt og gott samstarf við alla aðila skólasamfélagsins.
- Sinnir að öðru leiti þeim verkefnum er varða stjórnun leikskólans sem yfirmaður felur honum.
- Staðgengill í fjarveru leikskólastjóra (starfar þá samkv. hans starfslýsingu).
Við leitum að einstaklingi sem:
- Hefur leyfisbréf sem leikskólakennari (framhaldsnám í stjórnun eða uppeldisfræði er kostur).
- Hefur reynslu af stjórnunarstörfum eða hefur sýnt frumkvæði og leiðtogahæfni í starfi.
- ·Er tilbúinn til að taka þátt í stefnumótun og framtíðarsýn leikskólans.
- Hefur áhuga á nýsköpun, útinámi, fjölmenningu og skapandi starfi.
- Er lausnamiðaður, skipulagður og með góða samskiptahæfni.
- Hefur góða tölvukunnáttu og færni í upplýsingatækni.
- Hefur góða íslensku kunnáttu (B2 samkvæmt evrópska tungumálarammanum).
Við bjóðum upp á:
- Skapandi og hlýlegt starfsumhverfi þar sem hugmyndir fá að blómstra.
- Framsækið starfsfólk og faglegt samstarf.
- Tækifæri til að hafa áhrif á þróun skólastarfsins.
- Stuðning og handleiðslu í starfi.
- Frábæra aðstöðu í náttúrulegu umhverfi.
Við bjóðum einnig:
- Forgang og afslátt af leikskólaplássi fyrir börn starfsmanna.
- Frían heitan mat á vinnutíma.
- Heilsuræktar- og samgöngustyrkur.
- Menningar- og sundkort.
- 36 stunda vinnuviku.
Icelandic
