A4 - Móttaka í vöruhúsi

A4 auglýsir eftir röskum, jákvæðum og duglegum starfskrafti til að sinna móttöku í vöruhúsi. Starfið felur í sér móttöku og afgreiðslu vöru, samskipti við viðskiptavini og flutningsaðila, skráningu í birgðakerfi og náið samstarf við aðrar deildir fyrirtækisins til að tryggja skilvirkt vöruflæði.

Um er að ræða fullt starf og er vinnutíminn frá kl. 08:00 til 17:00 mánudaga til fimmtudaga og frá kl 08:00 til 16:00 á föstudögum. Æskilegt er að viðkomandi geti hafið störf sem fyrst.

Helstu verkefni:

• Ber ábyrgð á að kalla til sendingar eins og gáma fyrir móttöku
• Verkefnastýring
• Vörumóttaka
• Vöruskil
• Upplýsa um frávik til hagaðila
• Samskipti við innri og ytri aðila
• Ber ábyrgð á að aðstaða í vöruhúsi og móttökusvæði sé til fyrirmyndar
• Önnur tilfallandi verkefni í samráði við yfirmann

Hæfniskröfur og persónulegir eiginleikar:

• Reynsla af sambærilegu starfi
• Gild ökuréttindi
• Lyftararéttindi
• Samviskusemi, nákvæmni, vandvirkni og metnaður
• Góð þjónustulund og reglusemi
• Góðir samskiptahæfileikar og hæfni til að vinna í hóp
• Stundvísi, sveigjanleiki og rík ábyrgðartilfinning
• Íslenskunnátta
• Aldur 18 ára eða eldri
• Hreint sakavottorð

Nánari upplýsingar um starfið veitir vöruhúsastjóri, Lárus Mikael, í gegnum netfangið [email protected].

Umsóknarfrestur er til og með 28 október 2026

A4 er framsækið fyrirtæki og leggur metnað sinn í að vera í fararbroddi á sviði skrifstofu-, skóla-, föndur- og hannyrðavara og húsgagna. A4 leggur áherslu á góða og trausta þjónustu við viðskiptavini. Við erum stolt af því að geta boðið upp á heimsþekkt vörumerki sem eiga það öll sameiginlegt að vera í háum gæðaflokki.  A4 rekur einnig Kubbabúðina í Smáralind.