Vinna í lokuðu rými

Fyrir hverja:

Námskeiðið er fyrir alla sem vinna, skipuleggja eða bera ábyrgð á vinnu í lokuðu rými, t.d. við tanka, holræsakerfi, þrýstihylki, brunna og aðra innilokaða staði.

Markmið:

Að þátttakendur öðlist skilning á hættum tengdum vinnu í lokuðu rými, læri að framkvæma áhættumat, þekki nauðsynlegan öryggisbúnað og neyðaráætlanir og geti undirbúið örugga framkvæmd vinnu við slíkar aðstæður.

Á námskeiðinu verður fjallað um:

• Hvað felst í vinnu í lokuðu rými
• Lög og reglugerðir
• Dæmi um slys og forvarnir
• Áhættumat og neyðaráætlun
• Hlutverk viðbragðsaðila
• Hlífðarbúnaður og loftræsting

Að loknu námskeiði á nemandi að:

• Geta greint hvað felst í vinnu í lokuðu rými
• Þekkja helstu hættur og forvarnir
• Skilja mikilvægi öryggisráðstafana og viðbragðsáætlana
• Kunna að beita réttu verklagi og öryggisbúnaði við slíka vinnu

Aðrar upplýsingar:

Námskeiðið er kennt í fjarfundi gegnum Google Meet. Námskeiðið byggist upp af fyrirlestrum og sýndur er fjöldi mynda af raunverulegum aðstæðum. Einnig er farið í gegnum stutt myndband byggt á raunverulegu slysi. Í lok námskeiðsins eru umræður með þátttakendum.