Skriðjöklanámskeið

Námskeiðið skriðjöklagrunnur er frábær leið til að hefja vegferð þína í jöklaferðamennsku!  Vertu með okkur í þrjá daga þar sem við heimsækjum fjölbreytta skriðjökla í Öræfum og lærum grunn atriðin í öruggri jöklaferðamennsku. Þetta er yfirgripsmikið námskeið sem krefst engrar fyrri reynslu.  

Á Íslandi búum við svo vel að geta heimsótt skriðjökla mjög auðveldlega. Skriðjöklar ná niður á láglendi og eru ævintýraveröld sem fleiri ættu að fá að kynnast. Með námskeiðinu  fá þátttakendur skilning á öryggisatriðum og ferðalögum á skriðjöklum og þeim hættum sem fylgja þeim. Þátttakendur öðlast einnig betri skilning á jöklum, loftslagsbreytingum og áskorununum sem þær eru.  

Námskeiðið miðar að því að þjálfa þátttakendur í að ferðast á öruggan hátt um  fjölbreytt  landslag á skriðjökli og framkvæma einfalda sprungubjörgun. 

Á námskeiðinu  verður meðal annars farið yfir: 

• Notkun nauðsynlegs öryggisbúnaðar í jöklaferðum 

• Línuklifur og sig 

• Sprungubjörgun 

• Leiðarval á skriðjöklum 

• Mat á hættum á skriðjöklum 

• Göngutækni á broddum 

• Ísklifur í ofanvaði 

Fyrir hverja er þetta námskeið? 

Námskeiðið er fyrir öll sem elska útivist og langar að opna á fleiri tækifæri. Námskeiðið hentar einnig vel sem undirbúningur fyrir þau sem vilja stefna á jöklaleiðsögn og stefna á að taka námskeiðið Jöklaleiðsögn 1 frá AIMG (Félagi Fjallaleiðsögumanna á Ísland).  

Leiðbeinendur á námskeiðinu eru reynslumiklir kennarar og jöklaleiðsögumenn sem starfa hjá Fjallaskóla Íslands. Kennararnir eru allir leiðbeinendur á skriðjöklanámskeiðum AIMG.