Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri hjúkrunar á skilunardeild

Við leitum eftir kraftmiklum hjúkrunarfræðingi í starf aðstoðardeildarstjóra hjúkrunar skilunardeildar á Hringbraut. Viðkomandi þarf að búa yfir afburða samskiptahæfni og hæfni til að takast á við breytingar. Starfið felur í sér mikla teymisvinnu þar sem unnið er í góðu samstarfi við þverfagleg teymi nýrnalækninga og fjölmarga aðra fagmenn spítalans.

Skilunardeildin er spennandi og faglega krefjandi vinnustaður þar sem unnið er náið með sjúklingum í tæknilegu umhverfi. Á deildinni fer fram blóðskilun en einnig kennsla, þjálfun og eftirlit sjúklinga í kviðskilun, en þessar meðferðir eru lífsnauðsynlegar fyrir einstaklinga með nýrnabilun á lokastigi. Einnig eru blóðvökvaskipti framkvæmd á deildinni. Um fullt starf er að ræða sem er laust frá 1. júlí 2024 eða eftir nánara samkomulagi.

Á skilunardeild starfa um 30 manns í þverfaglegu teymi og góðu starfsumhverfi við góðan starfsanda. Opnunartími deildarinnar er frá 8:00 til 20:00 virka daga og 8:00 til 15:00 um helgar. Unnið er á tvískiptum vöktum og bakvaktir eru utan opnunartíma. Skjólstæðingar deildarinnar eru um 100 talsins og á öllum aldri. Starf á skilunardeild felur í sér mjög fjölbreytta hjúkrun og fær nýtt starfsfólk ítarlega þjálfun.

Vinnuvika starfsfólks í vaktavinnu er nú 36 stundir. Við bjóðum upp á góða vinnuaðstöðu og gott starfsumhverfi með fjölskylduvænum vinnutíma, fyrsta flokks mötuneyti og útsýni yfir gosstöðvarnar á Reykjanesi.

Helstu verkefni og ábyrgð

Vinnur í samráði við hjúkrunardeildarstjóra að skipulagningu á starfsemi deildar og mótun liðsheildar

Ber ábyrgð á verkefnum sem hjúkrunardeildarstjóri felur honum

Ber ábyrgð á framkvæmd hjúkrunar, rekstri og mönnun deildarinnar í fjarveru deildarstjóra

Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun

Leiðir umbreytingarverkefni og teymisvinnu deildarinnar

Framkvæmd á blóðskilunarmeðferð og ábyrgð á alhliða eftirliti og eftirfylgni með sjúklingi í skilunarmeðferð, þar með talið leiðsögn og kennslu í viðeigandi viðfangsefnum

Alhliða hjúkrun fyrir sjúklinga með langvinna eða bráða nýrnabilun og fjölskyldur þeirra

Menntunar- og hæfniskröfur

Íslenskt hjúkrunarleyfi

Starfsreynsla sem hjúkrunarfræðingur

Leiðtogahæfni og áhugi á stjórnun

Hæfileiki til þverfaglegrar teymisvinnu og til að vinna sjálfstætt

Afburða hæfni og lipurð í mannlegum samskiptum

Sveigjanleiki og góð aðlögunarhæfni

Sjálfstæði í vinnubrögðum, öguð og skipulögð vinnubrögð

Áhugi og hæfni til að takast á við breytingar og færni í teymisvinnu

Starfshlutfall: -100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Ákvörðun um ráðningu í starfið byggist á faglegu og stöðluðu matsferli. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, aðstoðardeildarstjóri hjúkrun, hjúkrun, stjórnun

Nánari upplýsingar

Björg Sigurðardóttir, bjorgsig@landspitali.is, 543-6311

Skilunardeild

Hringbraut

101 Reykjavík

Auglýsing stofnuð3. maí 2024

Umsóknarfrestur31. maí 2024

Staðsetning

Hringbraut Landspítali , 101 Reykjavík

Starfstegund

Starfsgreinar

Starfsmerkingar

Fleiri störf (43)

Sálfræðingur á göngudeild barna- og unglingageðdeildar Landspítala