Вакансії Talent Pool Робочі місця Освіта

Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Про

Viltu hafa áhrif á framtíð kennslu í STEM-greinum?

Háskólinn í Reykjavík leitar að öflugum og metnaðarfullum einstaklingi í starf til að leiða þróun náms í kennslufræði STEM greina, auk kennslu og/eða rannsókna á því sviði. Í boði er spennandi starf í framsæknu og lifandi háskólaumhverfi.

STARFSSVIÐ

Hönnun og þróun á námi í kennslu STEM greina (s.s. raunvísindi, tækni, verkfræði og náttúruvísindi) á grunn- og framhaldsskólastigi.
Kennsla og/eða rannsóknir í kennslufræði og þá sérstaklega STEM greina.
Fagleg ráðgjöf við þróun kennsluhátta í STEM greinum (náms og kennslu) á öllum skólastigum.

HÆFNISKRÖFUR

Meistarapróf í kennslufræði er nauðsynlegt.
Háskólapróf í STEM grein og doktorspróf æskilegt.
Reynsla af kennslu og þróun náms á grunn- og framhaldsskólastigi er æskileg.
Þekking og reynsla af rannsóknum er æskileg.
Gott vald á upplýsingatækni og hæfni til að tileinka sér nýjungar á því sviði.
Frumkvæði í starfi ásamt skipulagshæfni og faglegum vinnubrögðum.
Teymishugsun, lipurð og hæfni í mannlegum samskiptum.
Gott vald á íslensku og/eða ensku, bæði í töluðu og rituðu máli.

Umsóknarfrestur er til og með 15. apríl 2026. Með öllum umsóknum skal fylgja ferliskrá og kynningabréf þar sem umsækjendur rökstyðja ástæður þess að vera rétta manneskjan í starfið.

Nánari upplýsingar veitir dr. Bryndís Björk Ásgeirsdóttir aðstoðarrektor náms, nemenda og sjálfbærni við Háskólann í Reykjavík ([email protected]) eða mannauðsdeild ([email protected]). Eingöngu þær umsóknir sem berast í gegnum umsóknarvef HR eru teknar til greina. Farið er með allar fyrirspurnir og umsóknir sem trúnaðarmál.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 3.600 í sjö deildum og starfsfólk er um 330 talsins, auk 350 stundakennara.

Реклама створена 12. February 2026

Кінцевий термін подання заявкиКінцевого терміну немає

Мовні вимоги