Urriðaholtsskóli - atferlisfræðingur

Urriðaholtsskóli er samrekinn leik- og grunnskóli í Garðabæ. Auglýst er eftir atferlisfræðingi til að sinna m.a. stuðningi og þjálfun barna á leik- og grunnskólastigi. Teymisvinna er einkennandi fyrir starfshætti skólans bæði á meðal nemenda og starfsmanna, svo og milli skólastiga. Unnið er út frá atferlismótandi starfsháttum og er skólinn í samstarfi við Háskóla Íslands varðandi nám í hagnýtri atferlisgreiningu. Gildi skólans eru: Virðing, ábyrgð og umhverfi. Starfsumhverfi er gott og lögð áhersla á að vinna eftir gagnreyndum aðferðum.

Helstu verkefni og ábyrgð

Sinnir atferlisþjálfun nemenda á leik- og grunnskólastigi og vinnur undir stjórn deildarstjóra stoðþjónustu skólans
Koma að þjálfun, stuðningi og atferlismótun barna
Halda utan um þjálfun og daglegt starf barna
Vinna að áætlanagerð og mati á framvindu barna í samráði við deildarstjóra og kennara
Situr teymisfundi og sinnir foreldrasamstarfi

Menntunar- og hæfniskröfur

Meistaranám í hagnýtri atferlisgreiningu *(staðfesting á námi fylgi umsókn)
Íslenskukunnátta á stigi C1 skv. evrópska tungumálarammanum
Reynsla af starfi í leikskóla og/eða grunnskóla æskileg
Lipurð í samskiptum ásamt metnaði í starfi
Frumkvæði og sjálfstæði í vinnubrögðum, stundvísi og samviskusemi
Ánægja af starfi með börnum og ungmennum

*Fáist ekki starfsmaður með tilhlýðilega menntun kemur til greina að ráða annan hæfann starfsmann sem vinnur þá undir handleiðslu og stjórn deildarstjóra sérkennslu og stoðþjónustu.

Fríðindi í starfi

Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
Menningarkort fyrir starfsmenn sem ráðnir eru í starfshlutfall eftir 3 mánuði í starfi
Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi
Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi.

Umsóknarfrestur er til og með 10. apríl 2026. Gert er ráð fyrir að ráðningar taki gildi sem fyrst.

Nánari upplýsingar um starfið veita Þorgerður Anna Arnardóttir skólastjóri, [email protected] og Guðbjörg Vilhjálmsdóttir deildarstjóri stoðþjónustu Urriðaholtsskóla, netfang [email protected]

Samkvæmt lögum verða umsækjendur sem eru ráðnir að skrifa undir heimild til upplýsingaöflurnar úr sakaskrá.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélags.

Áhugasamir einstaklingar, án tillits til kyns, eru hvattir til að sækja um.

Реклама створена 26. March 2026

Кінцевий термін подання заявки10. April 2026

Мовні вимоги