Við vinnum með leiðandi framleiðendum og leggjum áherslu á áreiðanleika, þjónustu og faglega ráðgjöf. Titus ehf. var stofnað árið 2016 af hjónunum Kristínu Jónu Grétarsdóttur og Baldvini Bjarnasyni. Markmið fyrirtækisins er að auka lífsgæði fatlaðra og hreyfihamlaðra einstaklinga í samfélaginu með því að bæta aðgengi, efla ferlimál og stuðla að betra starfsumhverfi innan heilbrigðisþjónustu. Frá upphafi hefur Titus lagt áherslu á samfélagslega ábyrgð og að veita lausnir sem nýtast bæði einstaklingum og stofnunum. Fyrirtækið sérhæfir sig í innflutningi og sölu á tækjum, búnaði og lausnum fyrir heilbrigðisgeirann og hefur byggt upp öflugt vöruúrval sem þjónar fjölbreyttum þörfum viðskiptavina. Titus býður einnig upp á alhliða þjónustu sem felur í sér ráðgjöf, uppsetningu, þjálfun og eftirfylgni. Fyrirtækið hefur á að skipa sérhæfðu starfsfólki með víðtæka reynslu á sínu sviði og rekur eigið þjónustusvið sem sér um viðhald og þjónustu á þeim vörum og búnaði sem fyrirtækið flytur inn og selur. Allur lager Titusar er staðsettur í húsnæði fyrirtækisins og er aðgengilegur allan sólarhringinn. Með fagmennsku, þjónustulund og sérþekkingu leggur Titus áherslu á að vera traustur samstarfsaðili fyrir heilbrigðisstofnanir, fyrirtæki og einstaklinga um allt land.