Вакансії Talent Pool Робочі місця Освіта

ÍSOR

ÍSOR er meðal þekktustu ráðgjafafyrirtækja í heiminum á sviði rannsókna og þróunar í jarðhita og nýtur alþjóðlegrar viðurkenningar sem slíkt. ÍSOR starfar samkvæmt gæðavottun ISO 9001:2015. Kjarnastarfsemi ÍSOR er víðtæk ráðgjöf á sviði jarðvísinda með áherslu á jarðhita. Einnig sinnir ÍSOR rannsóknum, kennslu og fræðslu í jarðvísindum ásamt því að hýsa starfsemi Jarðhitaskóla GRÓ sem hefur það að markmiði að byggja upp þekkingu og getu í þróunarlöndum til sjálfbærrar nýtingar vistvænna jarðvarmaorkugjafa. Starfsfólk ÍSOR myndar þverfaglegan samstarfshóp sérfræðinga á sviði jarðvísinda og verkfræði þar sem faglegur áhugi og samvinna eru leiðarljós. Áhersla er lögð á jöfn tækifæri starfsfólks, ánægða og árangursmiðaða liðsheild og framþróun. Metnaður ÍSOR er að vera í fararbroddi þekkingar á sviði sjálfbærrar nýtingar jarðrænna auðlinda og virðisskapandi lausna sem miða að því að koma jörðinni og fólki til góða. Aðalstöðvar ÍSOR eru í Kópavogi og starfsstöð er á Akureyri.

Про

Sviðsstjóri fjármála og rekstrar

Hefur þú ástríðu fyrir fjármálum og rekstri og vilt takast á við krefjandi starf í lifandi og síbreytilegu umhverfi?

ÍSOR leitar að öflugum einstaklingi í krefjandi og spennandi starf sviðsstjóra fjármála og rekstrar. Viðkomandi mun leiða sviðið, stýra rekstri þess og stuðla að því að ákvarðanataka styðji við framtíðarsýn ÍSOR.

Sviðsstjóri fjármála og rekstrar situr í framkvæmdastjórn og hefur þar mikilvægt hlutverk í stefnumótun og ákvörðunum.

Helstu verkefni og ábyrgð

Daglegur rekstur og stjórnun sviðsins.
Ábyrgð á fjármálastjórn, reikningshaldi, fjárreiðum, gerð ársreiknings, áætlanagerð og eftirfylgni þeirra.
Ábyrgð á stafrænni þróun og rekstri tölvu- og gagnakerfa.
Framkvæmd mánaðar-, ársfjórðungs- og ársuppgjöra.
Rekstrargreining, samantekt fjárhagsupplýsinga og miðlun til framkvæmdastjórnar og stjórnar.
Kostnaðareftirlit, nýting gagna til ákvarðanatöku og eftirfylgni verkefna til að tryggja hagkvæmni í rekstri.
Umsjón með gjaldskrá og verðlagningu þjónustu.
Samskipti við fjármálastofnanir og hagaðila.
Yfirumsjón með fjárhagskerfum og aðlögun þeirra að þörfum ÍSOR.

Menntunar- og hæfniskröfur

Háskólapróf á sviði viðskipta, fjármála eða sambærilegra greina.
Reynsla af fjármálastjórnun og reikningshaldi.
Reynsla af verkbókhaldi og samningagerð er kostur.
Forystuhæfileikar og framúrskarandi samskiptafærni og geta til að vinna í teymi.
Reynsla af greiningarvinnu, framsetningu og miðlun fjárhagsupplýsinga.
Rík stafræn hæfni, þekking og reynsla á fjárhagsupplýsingakerfum og miðlun upplýsinga, s.s. með PowerBI.
Öguð og skipulögð vinnubrögð, drifkraftur og lausnamiðað hugarfar.
Gott vald á íslensku og ensku, bæði í ræðu og riti.