Вакансії Talent Pool Робочі місця Освіта

Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Про

Sumarstarf í upplýsingatækni

Mosfellsbær leitar að metnaðarfullum einstaklingi í námi í kerfisstjórnun til að sinna fjölbreyttum verkefnum í upplýsingatækni í sumar. Um er að ræða tækifæri fyrir nemanda til að öðlast hagnýta reynslu af tækjastýringu og viðhaldi á netkerfum í lifandi skólaumhverfi.

Helstu verkefni og ábyrgð

Starfið er fjölbreytt og felur í sér bæði kerfisstjórnun í skýjalausnum og vinnu með vélbúnað á staðnum:

Tækjastýring (MDM): Sameining og skráning allra iPad skólanna í Jamf umsjónarkerfið. Uppsetning, stillingar og tryggja að öll tæki séu rétt uppfærð á skráð miðlægt.
Viðhald Chromebook tækja: Yfirfara og prófa Chromebook tölvur sem notaðar eru í skólastarfinu, sjá um uppsetningar (provisioning) og tryggja að þær séu tilbúnar fyrir næsta skólaár.
Netbúnaður og innviðir: Yfirfara tengingar í tæknirýmum. Þetta felur í sér að snyrta snúrur í skápum, merkja þær og rekja (trace) tengingar við svissa.
Önnur tilfallandi verkefni: Almenn aðstoð við notendur og viðhald á tölvubúnaði eftir þörfum.

Menntunar- og hæfniskröfur

Menntun: Viðkomandi sé í námi í kerfisstjórnun eða öðru sambærilegu tölvunámi.
Netbúnaður: Reynsla eða ríkur áhugi á netuppsetningum og netkerfum almennt er mikill kostur.
Vinnubrögð: Krafa er gerð um vönduð og skipulögð vinnubrögð. Viðkomandi þarf að sýna nákvæmni í merkingu búnaðar og geta fylgt ferlum við tækjastýringu.
Frumkvæði: Geta til að vinna sjálfstætt og leysa verkefni af fagmennsku.

Umsóknarfrestur er til og með 27. apríl nk.

Nánari upplýsingar um starfið veitir Páll Ágúst Ólafsson, leiðtogi UT mála, [email protected]. Öllum umsóknum verður svarað. Laun eru samkvæmt kjarasamningi Samband íslenskra sveitarfélaga og viðkomandi stéttarfélags. Ráðið er í öll störf óháð kyni.

Реклама створена 17. April 2026

Кінцевий термін подання заявки27. April 2026

Мовні вимоги