Sveitarfélagið Árborg

Sveitarfélagið Árborg er fjölmennasta sveitarfélagið á Suðurlandi. Það varð til við sameiningu Eyrarbakkahrepps, Sandvíkurhrepps, Selfossbæjar og Stokkseyrarhrepps. Sveitarfélagið hefur vaxið ört síðastliðin ár og telur nú tæplega 12.000 íbúa. Þar er miðstöð þjónustu á Suðurlandi, góðir skólar ásamt öflugu íþrótta-, félags- og menningarlífi. Starfsmenn sveitarfélagsins eru um 1000 og lögð er áhersla á að skapa starfsumhverfi sem stuðlar að vellíðan og árangri, þar sem starfað er af fagmennsku og góðum ásetningi með hag sveitarfélagsins að leiðarljósi.

Про

Starfsmaður í skammtímadvöl fyrir börn

Sveitarfélagið Árborg óskar eftir starfsmanni í skammtímadvöl fyrir börn með langvarandi stuðningsþarfir. Helstu markmið þjónustunnar er að auka lífsgæði barna og ungmenna, þátttöku þeirra í samfélaginu og bæta líðan þeirra.

Leitað er að öflugum starfsmanni í vaktavinnu þar sem unnið er á kvöldin og um helgar.

Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Faglegt starf með börnum og ungmennum með langvarandi stuðningsþarfir

Einstaklingsmiðuð persónuleg þjónusta

Aðstoð og stuðningur við börn og ungmenni í daglegu lífi

Menntunar- og hæfniskröfur

Þroskaþjálfa- félagsliða- sjúkraliða eða önnur menntun sem nýtist í starfi

Þekking og reynsla af starfi með börnum með fatlanir er kostur

Sveigjanleiki og aðlögunarhæfni

Jákvæð og góð þjónustulund

Íslenskukunnátta skilyrði

20 ára aldurstakmark

Umsóknarfrestur er til og með 27.maí.

Nánari upplýsingar um störfin veitir Brynhildur Jónsdóttir, forstöðumaður í skammtímadvöl fyrir börn og ungmenni, [email protected] , eða í síma 480-1900.

Umsóknum fylgi yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Реклама створена 15. May 2025

Кінцевий термін подання заявки27. May 2025

Мовні вимоги