Starf í búsetukjarna

Við í búsetukjarnaum Klapparhlíð í Mosfellsbæ leitum eftir öflugum starfsmönnum til liðs við okkur. Við vinnum eftir hugmyndafræðinni Þjónandi leiðsögn sem og einstaklings og þjónustuáætlunum. Við leggjum okkur fram við að skapa góða liðsheild. Við störfum samkvæmt lögum um þjónustu við fatlað fólk með langvarandi stuðningsþarfir nr. 38/2018 og samkvæmt stefnu Mosfellsbæjar í málaflokknum.

Við erum að leita eftir starfsmönnum í þrjár stöður 15%, 40% og 90% starfshlutfall og gengið er út frá því að starfsmenn geti tekið kvöld, helgar og/eða næturvaktir.

Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.