Skanva.is er framleiðandi og söluaðili glugga og hurða fyrir einstaklings- og fyrirtækjamarkað. Við höfum síðastliðin 7 ár kynnt fyrir Íslendingum fyrstu vefverslun landsins á þessum tiltekna markaði, sem hefur gengið vonum framar. Höfuðstöðvar Skanva Group eru í Danmörku, en fyrirtækið rekur einnig verslanir í Danmörku, Svíðþjóð, Noregi og Þýskalandi. Við sem myndum teymið hér á Íslandi erum mjög samheldinn og góður hópur. Andrúmsloftið á skrifstofunni er létt og afslappað en að sama skapi metnaðarfullt, þar sem allir leggja sitt af mörkum til að gera Skanva besta og traustasta glugga- og hurðaframleiðandann á landinu :-) Við erum stödd í Mörkinni 1, miðsvæðis í Reykjavík, með sýningarsal og skrifstofu. Vinnuumhverfið er opið og bjart og starfsfólk gengur að sínu skrifborði og hlutum, en okkur þykir mikilvægt að bjóða upp á gæðabúnað til að gera vinnudaginn sem bestan.