Вакансії Talent Pool Робочі місця Освіта

Arion banki

Starfsfólk Arion banka er kjarninn í starfsemi bankans og kappkostar bankinn að búa vel að starfsfólki sínu. Arion banki er lifandi vinnustaður þar sem starfsumhverfið einkennist af fagmennsku, framsækni, umhyggju og tryggð Hjá Arion banka starfa um 900 manns, þar af eru 65% konur og 35% karlar. Kynjaskipting á meðal stjórnenda bankans er fremur jöfn og sama gildir um aldursdreifingu innan bankans en meðalaldur starfsfólks Arion banka er 42 ár. Fjölmargt starfsfólk hefur sýnt bankanum og forverum hans mikla tryggð og eru dæmi um að starfsfólk sé með meira en 40 ára starfsaldur. Meðal starfsaldur hjá Arion banka er tíu ár.

Про

Sérfræðingur í áhættustýringu – efnahagsáhætta og líkön

Við leitum að öflugum sérfræðingi í efnahagsáhættu og líkön innan áhættustýringar. Helsta hlutverk deildarinnar er að greina og hafa yfirsýn yfir fjárhagslega áhættuþætti í starfsemi bankans. Verkefnin eru fjölbreytt og fela meðal annars í sér reglubundna skýrslugjöf til stjórnar og eftirlitsaðila, sjálfvirknivæðingu á gagnaflæði og gagnadrifin greiningarverkefni.

Við viljum fá til liðs við okkur nákvæman og metnaðarfullan einstakling sem hefur áhuga á gagnagrúski og leitar stöðugt að einföldunum og leiðum til að nýta sjálfvirkni.

Helstu verkefni og ábyrgð

Reglubundin upplýsingagjöf innan bankans og til eftirlitsaðila
Þróun á kerfum til að auka sjálfvirkni í gagnaflæði og tryggja samræmi í gögnum um fjárhagslega áhættuþætti
Greiningar á fjárhagslegum áhættuþáttum sem grundvallast á gagnavinnslu og tölfræði

Menntunar- og hæfniskröfur

Háskólamenntun í verkfræði, stærðfræði eða tengdum greinum
Greiningarhæfni, nákvæmni og gott vald á úrvinnslu og framsetningu upplýsinga
Þekking á SQL fyrirspurnamálinu og forritunarmálum, svo sem Python eða R, er kostur
Þekking og reynsla af fjármálastarfsemi er kostur
Sjálfstæð vinnubrögð, frumkvæði og gagnrýnin hugsun
Góð færni í íslensku og ensku í ræðu og riti

Nánari upplýsingar um starfið veita Stefán Ingi Valdimarsson, forstöðumaður ([email protected]) og Birna Dís Birgisdóttir, mannauðsráðgjafi, ([email protected])

Umsóknarfrestur er til og með 20. nóvember 2026.

Fullum trúnaði er heitið. Öllum umsóknum verður svarað þegar ákvörðun um ráðningu liggur fyrir.

Реклама створена 6. November 2026

Кінцевий термін подання заявки20. November 2026

Мовні вимоги