Вакансії Talent Pool Робочі місця Освіта

Orka náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun. ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum. ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar. ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Про

Sérfræðingur vélbúnaðar- og lagnakerfa í virkjunum ON

Langar þig að sinna viðhaldi og þróun vélbúnaðar og lagnakerfa og tryggja þannig áreiðanlegan rekstur stærstu jarðvarmavirkjunar í Evrópu?

Um er að ræða ábyrgðarstarf í stærsta jarðvarmafyrirtæki á Íslandi og felur í sér sérfræðihlutverk, tengd vél- og lagnabúnaði veitukerfa í virkjunum ON.Helstu verkefni snúa að rekstri og viðhaldi á gufu-, kaldavatns-, niðurrennslis- og varaveitna tveggja jarðvarmavirkjana með samanlagt yfir 427 MW í uppsettu afli í raforku og 665 MW í varmaafli.

Helstu verkefni og ábyrgð

Í hlutverki sérfræðings vélbúnaðar- og lagnakerfa berð þú ábyrgð á skipulagningu verkefna, tryggir öruggt flæði þeirra og forgangsraðar í samráði við ábyrgðaraðila og deildarstjóra.

Á meðal annarra verkefna er þátttaka í mótun ferla og umbóta í tengslum við flæði verka, aðkoma að þróun viðhaldsstjórnunarkerfis ON og útgáfa verkbeiðna.

Í framangreindu felst m.a. gerð áhættumats, verklýsinga og áætlanagerða, öflun aðfanga, forgangsröðun verka og upplýsingagjöf til hagsmunaaðila.

Menntunar- og hæfniskröfur

Þekking og reynsla af eigna- og viðhaldsstýringu ásamt vinnu með vélbúnað
Reynsla af iðnaðarrekstri, s.s. úr stóriðju, virkjunum eða sambærilegu er kostur
Reynsla af verkefnastjórnun og áætlanagerð, þar á meðal viðhaldsáætlunum, fjárfestingaáætlunum og forgangsröðun verka
Góð tækni- og tölvufærni, skipulagshæfni og yfirsýn
Frumkvæði og lausnarmiðuð hugsun
Þekking og reynsla af öryggis- og umhverfismálum er kostur
Menntun á sviði vélbúnaðar í iðn-, verk-, vél- eða tæknifræði

Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.

Við tökum jafnréttið alvarlega!

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.Umsóknarfrestur er til og með 8. apríl 2026.

Nánari upplýsingar veitir Elvar Aron Björnsson, deildarstjóri Orkuframleiðslukerfa,  [email protected].

Farið er með allar umsóknir sem trúnaðarmál.

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Реклама створена 23. March 2026

Кінцевий термін подання заявки8. April 2026

Мовні вимоги