Reiknaðu með okkur - Sérfræðingur í reikningshaldi
Við leitum að talnaglöggri og nákvæmri manneskju með þekkingu á reikningshaldi og bókhaldsferlum. Ef þú býrð yfir afburða samskiptahæfni, vilt vinna með samstilltu teymi og hefur áhuga á að tileinka þér nýjustu tækni í reikningshaldi og sjálfvirknivæðingu þá smellpassar þú inn í teymið okkar.
Sérfræðingur í reikningshaldi aðstoðar við uppgjörsvinnu, endurskipulagningu bókhaldsferla, uppfærslu á bókhaldskerfinu og innleiðingu á nýjum lausnum. Unnið er í teymi sem sér um skráningu og viðhald í bókhaldi Rarik. Helstu verkefni felast í að viðhalda reikningshaldi okkar, aðstoð við uppgjörsvinnu og afstemmingar, skráningu tekju- og kostnaðarreikninga og samþykkt reikninga, auk þess að aðstoða annað starfsfólk við skráningu og samþykkt reikninga. Ýmis tilfallandi störf í tengslum við reikningshald og bókhald.
Við leitum að manneskju sem hefur skilning og þekkingu á reikningshaldi og bókhaldi, og hefur áhuga á framþróun og innleiðingu á nýjum lausnum. Gott er að hafa góða þekkingu á Excel, vera með gott auga fyrir tölum og geta unnið vel í samstilltu teymi.
Ісландська
