QA Automation Engineer – forritari á upplýsingatæknisviði

Við leitum að öflugum QA Automation Engineer til starfa á Upplýsingatæknisviði Arion banka. Starfið hentar einstaklingi með trausta reynslu í forritun, sem vill nýta þá hæfni til að byggja upp og viðhalda sjálfvirkum prófunum, en jafnframt taka virkan þátt í hefðbundnum virkniprófunum og útgáfuprófunum sem hluti af þróunarteymi.

QA Automation Engineer starfar innan teyma hugbúnaðarþróunnar og vinnur að því að tryggja gæði lausna frá hönnun til útgáfu, með áherslu á sjálfvirkar prófanir byggðar m.a á C#.

Arion banki er jafnframt á vegferð að nýta AI í sjálfvirknivæðingu og agent-drifna nálgun í prófunum til áhrifa í hugbúnaðarþróunarferlinu (SDLC). Við leitum því að aðila sem hefur áhuga á nýjum leiðum í prófunum, vill taka þátt í þessari vegferð og þróast með hlutverkinu – án þess að ætlast sé til sérhæfðrar reynslu á þessu sviði í upphafi.