Nýliðar á endurskoðunarsviði - Akureyri

KPMG á Akureyri leitar að nýliðum á endurskoðunarsvið

KPMG á Akureyri leitar að drífandi og áhugasömum einstaklingum sem vilja taka sín fyrstu skref á sviði reikningsskila og endurskoðunar. Í starfinu felst vinna að fjölbreyttum og lærdómsríkum verkefnum undir handleiðslu reyndra sérfræðinga á glænýrri skrifstofu okkar að Austursíðu 6.

Afhverju KPMG?

Öflugur stuðningur frá fyrsta degi

Nýtt starfsfólk fær góða nýliðafræðslu og persónulegan mentor sem veitir bæði faglegan og félagslegan stuðning á meðan þú aðlagast starfinu. Við bjóðum M.Acc nemendum upp á sveigjanleika í starfi samhliða námi.

Fjölbreytt verkefni og forskot með tækni

Þú færð að vinna að fjölbreyttum verkefnum á sviði endurskoðunar, reikningsskila, skatta og annarrar þjónustu fyrir viðskiptavini um allt land. Þá leggjum við mikla áherslu á að fjárfesta í hæfni starfsfólks og viljum samnýta sérþekkingu okkar með nýjustu tækni og gervigreindarlausnum í daglegum verkefnum.

Sterk liðsheild og góð vinnustaðarmenning

Verkefnin eru unnin í teymum og rík áhersla er lögð á þétt samstarf og jákvæða vinnustaðarmenningu. Við vinnum þvert á svið og með sérfræðingum okkar úr alþjóðlegu samstarfi til að tryggja breiða og faglega þjónustu.

Starfsþróunartækifæri

Hjá KPMG færðu tækifæri til að læra af löggiltum endurskoðendum og sérfræðingum, bæði á Íslandi og erlendis, og þróast í starfi í samræmi við áhuga, hæfni og getu Þá er sérstakur stuðningur í boði fyrir þau sem stefna á löggildingu til endurskoðunar.

Á heimasíðu okkar HÉR getur þú betur kynnt þér málið betur og heyrt hvað starfsfólkinu okkar finnst um starfið og vinnustaðinn.

Dæmi um verkefni og ábyrgð:

• Endurskoðun fyrirtækja og opinberra aðila.
• Reikningsskil og gerð ársreikninga.
• Skattskil og tengd verkefni.
• Aðrar tilfallandi greiningar og sérverkefni.

Hæfniskröfur:

• Grunnnám í viðskiptafræði eða öðru námi sem nýtist (lokið eða ert að ljúka).
• M.Acc nám – stundar, lokið eða stefnir á að hefja (mikill kostur).
• Áhugi á reikningsskilum, endurskoðun og rekstri fyrirtækja.
• Góð tölvufærni og greiningarhæfni.
• Skipulögð vinnubrögð og þjónustulund.
• Góð færni í íslensku og ensku, í ræðu og riti.

Í samræmi við markmið okkar í jafnréttismálum hvetjum við öll til að sækja um óháð kyni.

Um KPMG:

KPMG á Íslandi er hluti af alþjóðlegu ráðgjafarneti og starfrækir 12 starfsstöðvar um land allt. Um 240 sérfræðingar starfa hjá félaginu og veita þjónustu á sviði endurskoðunar, reikningsskila, skatta, lögfræði og ráðgjafar.

Við bjóðum meðal annars:

• Fjölbreytt verkefni og tækifæri til að hafa jákvæð áhrif.
• Heilsueflandi vinnustaður og aðgangur að líkamsræktarstyrk og samgöngustyrk.
• Golfklúbbur með aðgengi að völlum víðs vegar um landið.
• Fyrsta flokks mötuneyti með fjölbreyttu og hollu fæði.
• 4 tímar á ári hjá sálfræðingi eða öðrum ráðgjöf sem styðja við andlega heilsu í gegnum Kara velferðartorg.
• Sérstök stuðningsúrræði fyrir verðandi og nýbakaða foreldra ásamt sérstökum fæðingarorlofsstyrk.
• Sveigjanleiki til að vinna frá mismunandi starfsstöðvum og að heiman þegar við á.
• Einn launaður dagur á ári til sjálfboðavinnu.
• Og margt fleira.

Umsóknarfrestur er til og með 10. maí 2026.

Umsóknir ásamt ferilskrá og kynningarbréfi óskast fylltar út á heimasíðu KPMG (sækja um hér til hliðar).

Nýliðar hefja störf í september 2026

Nánari upplýsingar veitir Hildur Steinþórsdóttir sérfræðingur í mannauðsmálum ([email protected])