Húsnæðis- og mannvirkjastofnun (HMS)

Um vinnustaðinn Húsnæðis-og mannvirkjastofnun hefur umsjón með stjórnsýsluverkefnum á sviði húsnæðismála, fasteigna, mannvirkjamála, rafmagnsöryggismála og mála er varða byggingarvörur og brunavarnir. Stofnuninni er ætlað að stuðla að því að jafnvægi ríki á húsnæðismarkaði, m.a. með húsnæðisstuðningi, lánveitingum, rannsóknum, upplýsingagjöf, áætlanagerð og eftirliti. Einnig skal stofnunin leitast við að tryggja að almenningur hafi aðgang að öruggu og vistvænu húsnæði á viðráðanlegu verði og í samræmi við þarfir hvers og eins, óháð efnahag og búsetu, þannig að almenningur hafi raunverulegt val um búsetuform. Stofnunin gegnir jafnframt samræmingarhlutverki, sinnir samstarfi við sveitarfélög um stjórnsýslu húsnæðis-og mannvirkjamála og stuðlar að fyrirsjáanleika, skilvirkni og gæðum mannvirkjagerðar. Húsnæðis-og mannvirkjastofnun annast umsýslu Húsnæðissjóðs. Starfsstöðvar stofnunarinnar eru í Reykjavík, Akureyri og á Sauðárkróki og eru starfsmenn 160 talsins.

Про

Lögfræðingur HMS á Sauðárkróki

Húsnæðis- og mannvirkjastofnun (HMS) leitar að öflugum og metnaðarfullum lögfræðingi til starfa á starfsstöð HMS á Sauðárkróki.

Um er að ræða fjölbreytt og krefjandi starf þar sem unnið er að spennandi verkefnum á sviði brunavarna, slökkviliða, húsnæðisbóta og leigumála. Starfið veitir einstakt tækifæri til að hafa áhrif og taka virkan þátt í samfélagslega mikilvægum verkefnum. Lögfræðingurinn starfar þvert á málaflokka í góðu samstarfi við sérfræðinga og stjórnendur. Starfið heyrir beint undir framkvæmdastjóra og krefst bæði sjálfstæðis, frumkvæðis og góðrar samskiptahæfni.

Helstu verkefni og ábyrgð

Lögfræðiráðgjöf og fræðsla á sviði brunavarna, slökkviliða, húsnæðisbóta og leigumála
Úrlausn fjölbreyttra lögfræðiverkefna í samstarfi við stjórnendur og starfsfólk
Gerð lögfræðilegra álita, minnisblaða, bréfa, umsagna og samninga
Umsjón með ritun greinargerða vegna kærumála
Gerð verklagsreglna og leiðbeininga innan málefnasviða
Þátttaka í stefnumótun og þróun málaflokka
Ráðgjöf og samskipti við önnur stjórnvöld og hagaðila
Önnur verkefni sem starfsmanni eru falin

Menntunar- og hæfniskröfur

Grunn- og meistaranám eða embættispróf í lögfræði
Reynsla af lögfræðistörfum er kostur
Þekking á stjórnsýslurétti og reynsla af opinberri stjórnsýslu er kostur
Frumkvæði, metnaður og sjálfstæði í vinnubrögðum
Skipulagshæfileikar og nákvæmni í vinnubrögðum
Færni í mannlegum samskiptum og hæfileikar til að starfa í hópi
Góð tölvukunnátta
Mjög gott vald á íslensku og ensku í ræðu og riti

Um fullt starf er að ræða og æskilegt er að viðkomandi geti hafið störf sem fyrst.

Húsnæðis- og mannvirkjastofnun (HMS) er sjálfstæð stofnun sem lýtur sérstakri stjórn og heyrir stjórnarfarslega undir félags- og húsnæðismálaráðherra. Stofnunin starfar að verkefnum á sviði húsnæðismála, mannvirkjamála, rafmagnsöryggismála og brunavarna, fer með samhæfingarhlutverk opinberrar markaðsgæslu, og rekur fasteignaskrá ásamt því að sinna verkefnum því tengdu. Hjá HMS er lögð áhersla á framúrskarandi þjónustu, nýsköpun, miðlun upplýsinga og stafræna þróun.

Umsóknum skal fylgja með ítarleg ferilskrá og kynningarbréf þar sem gerð er grein fyrir ástæðu umsóknar og hæfni viðkomandi fyrir starfið.

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknir geta gilt í hálft ár frá því að frestur rennur út.

Lögð er rík áhersla á fjölbreytni og við hvetjum alla áhugasama einstaklinga til að sækja um, óháð kyni og uppruna.

Nánari upplýsingar

Regína Valdimarsdóttir, framkvæmdastjóri leigumarkaðssviðs, brunavarna og markaðseftirlits – [email protected]

Elín Dögg Ómarsdóttir, ráðgjafi hjá Hagvangi – [email protected]

Реклама створена 16. May 2025

Кінцевий термін подання заявки2. June 2025

Мовні вимоги