Вакансії Talent Pool Робочі місця Освіта

Seltjarnarnesbær

Á Seltjarnarnesi búa um 4700 manns og leggur Seltjarnarnesbær áherslu á að tryggja íbúum góða alhliða þjónustu.

Leikskólakennari/kennari

Við þurfum á góðu fólki að halda til að koma til liðs við okkar frábæra hóp! Skólinn státar af metnaðarfullri starfsemi, ýmsum viðbótarkjörum, styttingu vinnuvikunnar og tilboði um námssamninga. Starfshlutfall er 100% og ráðið verður í stöðurnar sem fyrst.

Megin verkefni:

Vinnur að uppeldi og menntun barnanna og fylgist vel með velferð þeirra
Hlúir að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar
Tekur þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra
Tekur þátt í skipulagningu faglegs starfs deildarinnar undir stjórn deildarstjóra

Menntunar- og hæfniskröfur

Leyfisbréf sem kennari (leyfisbréf þarf að fylgja umsókn)
Færni í samskiptum og samstarfshæfileikar
Frumkvæði, sjálfstæði og faglegur metnaður
Góð tölvukunnátta
Góð íslenskukunnátta

Fríðindi í starfi

Sundkort
Heilsuræktarstyrkur
Bókasafnskort
Samgöngustyrkur

Í samræmi við jafnréttisáætlun Seltjarnarnesbæjar eru öll kyn hvött til að sækja um.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélög.
Umsóknum ásamt fylgiskjölum skal skilað á Ráðningarvef Seltjarnarnesbæjar undir seltjarnarnes.is - Störf í boði.
Umsóknarfrestur um ofangreind störf er til og með 5. október 2026.

Leikskóli Seltjarnarness er sameinuð fag- og rekstrareining með um 210 börnum. Í skólanum eru 12 deildir á þremur starfsstöðvum, Mánabrekku og Sólbrekku við Suðurströnd og Stjörnubrekku á Skólabraut 1. Í skólanum er lögð áhersla á að börn fái tækifæri til að hjálpa sér sjálf eftir því sem þroski þeirra og geta leyfir og þau styrkt til sjálfshjálpar í öllum þáttum daglegs lífs. Leikurinn er hornsteinn leikskólastarfsins því samkvæmt hugmyndafræði leikskóla lærir barn mest og best í leik og samskiptum við börn og fullorðna í frjóu og skapandi umhverfi. Í leikskólanum er lögð sérstök áhersla á tónlist.

Upplýsingar um starfið veita:

Margrét Gísladóttir leikskólastjóri Leikskóla Setjarnarness, [email protected]

Elín Margrét Rafnsdóttir aðstoðarleikskólastjóri Leikskóla Seltjarnarness, [email protected]

Linda Björg Birgisdóttir aðstoðarleikskólastjóri Leikskóla Seltjarnarness, [email protected]

Реклама створена 24. September 2026

Кінцевий термін подання заявки5. October 2026

Мовні вимоги