Leikskólakennari

Leikskólinn Bláskógar á Laugarvatni auglýsir eftir leikskólakennara til starfa í 100% stöðu. Leikskólakennari starfar samkvæmt stefnumörkun leikskólans sem tekur meðal annars mið af skólastefnu Sveitarfélagsins Bláskógabyggðar, aðalnámskrá leikskóla, lögum og reglugerðum um leikskóla sem og öðrum lögum er við eiga.

Laun eru greidd samkvæmt kjarasamningi Sambands ísl. sveitarfélaga og Félags leikskólakennara en tímabundin viðbótarlaun greiðast vegna átaksverkefnis til að fjölga leikskólakennurum. Umsóknum fylgi yfirlit yfir nám og fyrri störf ásamt rökstuðningi fyrir hæfni í starfið. Umsækjendur þurfa að sýna fram á hreint sakavottorð. Starfið hentar öllum óháð kyni.

Helstu verkefni og ábyrgð

Þátttaka í uppeldi og menntun leikskólabarna.
Að fylgjast með velferð leikskólabarna og hlúa að þeim andlega og líkamlega í samræmi við eðli og þarfir hvers og eins.
Þátttaka í teymisvinnu, foreldrasamstarfi og faglegum verkefnum.
Þátttaka í skipulagningu faglegs starfs deildarinnar undir stjórn deildarstjóra.
Þátttaka í gerð skólanámskrár, mati á starfsemi leikskólans og þróunarverkefnum.
Að gæta að öryggi leikskólabarna, menntun, þroska þeirra og líðan.

Menntunar- og hæfniskröfur

Leyfisbréf kennara, sbr. lög nr. 95/2019, III kafli 9. grein og IV kafli 20. grein.
Reynsla í leikskólastarfi æskileg.
Færni í mannlegum samskiptum.
Hæfni og áhugi í starfi með börnum.
Frumkvæði, skipulagshæfileikar og sjálfstæð vinnubrögð.
Færni í ræðu og riti.
Góð íslenskukunnátta æskileg.

Fríðindi í starfi