Deildarstjóri á miðstigi - Öldutúnsskóli

Öldutúnsskóli auglýsir eftir deildarstjóra á miðstigi

Ráðið er í stöðuna frá 1. ágúst 2026.

Við Öldutúnsskóla stunda um 590 nemendur nám í 1.–10. bekk. Í skólanum er lögð áhersla á faglegt og uppbyggilegt námsumhverfi þar sem markvisst er unnið að því að efla áhuga nemenda á námi og stuðla að árangri þeirra. Þá er lögð rík áhersla á góðan starfsanda, fjölbreytta kennsluhætti, öfluga teymisvinnu innan árgangateyma og markvissa teymiskennslu.

Einkunnarorð skólans eru virðing, virkni og vellíðan og endurspeglast þau í öllu starfi skólans. Starfið byggir meðal annars á hugmyndafræði SMT um jákvæða skólafærni og Olweusaráætlun gegn einelti og andfélagslegri hegðun. Jafnframt er lögð áhersla á umhverfismál í daglegu starfi skólans.

Helstu verkefni og ábyrgð:

• Leiða miðstig og hafa yfirumsjón með verkefnum innan kennslustigs
• Vinna að þróun skólastarfs í samstarfi við stjórnendur og samstarfsfólk
• Leiða námsmatsvinnu og önnur verkefni tengd henni
• Taka á hegðunarvanda nemenda á kennslustigi
• Taka þátt í áframhaldandi uppbyggingu og mótun skólastarfs
• Stuðla að velferð nemenda í samstarfi við foreldra og annað fagfólk
• Starfa samkvæmt stefnu skólans
• Vinna að því að skapa gott andrúmsloft í skólanum og tryggja öryggi og velferð nemenda og starfsfólks
• Önnur verkefni í samræmi við starfslýsingu

Menntunar- og hæfnikröfur:

• Leyfisbréf til kennslu (skal fylgja umsókn)
• Framhaldsmenntun á sviði stjórnunar og/eða uppeldis- eða kennslufræði er kostur
• Farsæl kennslu- og stjórnunarreynsla í grunnskóla
• Haldgóð þekking á kennslufræði miðstigs
• Mjög góð þekking og reynsla af fjölbreyttu námsmati
• Haldgóð þekking á Mentor
• Leikni í fjölbreyttum kennsluháttum, námsaðlögun og samþætting
• Þekking og reynsla af SMT er kostur
• Frumkvæði og sjálfstæði í vinnubrögðum
• Leiðtogafærni og hæfni til að leiða framsækið skólastarf
• Jákvæðni og áhugi á að starfa í skapandi og metnaðarfullu umhverfi
• Lipurð í samskiptum, sveigjanleiki og samstarfshæfni
• Mjög góð íslenskukunnátta, að lágmarki C1 samkvæmt skv. viðmiðum Evrópska tungumálarammans

Ef starfið vekur áhuga þinn er þér velkomið að hafa samband.

Nánari upplýsingar veita Margrét Sverrisdóttir skólastjóri, í síma: 664-5894 eða Áslaug Hreiðarsdóttir, aðstoðarskólastjóri í síma 664-5895.

Umsóknarfrestur er til og með 15. maí nk.

Greinargóð ferilsskrá skal fylgja umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum og að vinnustaðir bæjarins endurspegli fjölbreytileika samfélagins.