Вакансії Talent Pool Робочі місця Освіта

Bókasafn Múlaþings

Bókasafn Múlaþings er almenningsbókasafn með starfstöðvar á þremur stöðum, Egilsstöðum, Seyðisfirði og Djúpavogi. Útibú safnsins á Seyðisfirði og Djúpavogi eru jafnframt skólabókasöfn. Bókasafn Múlaþings er tengt Landskerfi bókasafna, leitir.is. Allir íbúar í Múlaþingi eiga kost á bókasafnsskírteini, sem gildir á öllum stöðunum, sér að kostnaðarlausu.

Про

Bókavörður á Djúpavogi

Bókasafn Múlaþings óskar eftir að ráða bókavörð í um 60% framtíðarstarf á starfsstöð safnsins á Djúpavogi. Safnið er bæði almennings- og skólabókasafn. Samkomulag er um upphaf starfs en æskilegt að það sé sem fyrst.

Helstu verkefni starfsmanns eru afgreiðsla, móttaka og frágangur safnkosts ásamt því að leiðbeina og veita safngestum aðstoð.

Næsti yfirmaður er forstöðumaður Bókasafns Múlaþings.

Möguleiki getur verið á hlutastarfi við Djúpavogsskóla til að auka starfshlutfall.

Starfið var upphaflega auglýst 14.9 2026 með umsóknarfrest til 28.9 2026 en ákveðið var að framlengja umsóknarfrestinn um tvær vikur.

Helstu verkefni og ábyrgð

Umsjón með starfsstöð Bókasafns Múlaþings á Djúpavogi
Þjónusta við gesti, upplýsingagjöf, aðstoð og afgreiðsla
Skipuleggja samstarf og þjónustu safnsins við Djúpavogsskóla
Aðstoð við nemendur og kennara
Móttaka og frágangur safnkosts
Umsjón með viðburðahaldi í samráði við yfirmann

Menntunar- og hæfniskröfur

Gerð krafa um stúdentspróf eða sambærilega menntun sem nýtist í starfi
Góð málakunnátta s.s. íslenska, enska, þriðja tungumál
Góð almenn tölvukunnátta
Reynsla af notkun gagnasafns Landskerfis bókasafna er kostur
Nákvæmni, samviskusemi og góð samskiptafærni er nauðsyn
Umsækjandi þarf að vera orðinn 18 ára
Hreint sakavottorð

Launakjör eru samkvæmt kjarasamningi Sambands íslenskra sveitarfélaga við Félag opinberra starfsmanna á Austurlandi eða Afl starfsgreinafélag.

Tekið er mið af jafnréttisáætlun Múlaþings við ráðningar í störf hjá sveitarfélaginu. Vinnustaðir Múlaþings eru reyklausir og fjölskylduvænir.

Nánari upplýsingar veitir Kolbrún Erla Pétursdóttir forstöðumaður Bókasafns Múlaþings í síma 470 0745 eða á netfangið [email protected].

Öllum umsóknum skal fylgja yfirlit yfir nám og fyrri störf ásamt kynningarbréfi.

Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is.

Allir umsækjendur þurfa að veita heimild til upplýsingaöflunar úr sakaskrá.

Реклама створена 14. September 2026

Кінцевий термін подання заявки12. October 2026

Мовні вимоги