Aðalbókari

Steypustöðin leitar að einstaklingi sem hefur góða þekkingu á bókhaldi og hefur metnað fyrir því að tryggja vönduð vinnubrögð og áreiðanlegar fjárhagsupplýsingar.

Aðalbókari gegnir lykilhlutverki í fjármálum Steypustöðvarinnar og tengdum félögum og hefur umsjón með daglegu bókhaldi og afstemmingum. Starfið felur í sér náið samstarf við aðra starfsmenn innan fjármálasviðs sem og annað starfsfólk félagsins.

Helstu verkefni og ábyrgð:

• Yfirumsjón með daglegu fjárhags- og lánadrottnabókhaldi Steypustöðvarinnar og tengdra félaga
• Umsjón með reglubundnum afstemmingum
• Umsjón með virðisaukaskattsskilum og öðrum lögbundnum skilum
• Aðstoð við undirbúning gagna vegna ársuppgjörs og samskipti við endurskoðendur
• Eftirfylgni með fjárhagsupplýsingum og stuðningur við stjórnendur
• Þróun og umbætur á verkferlum í bókhaldi og uppgjöri
• Þátttaka í innleiðingu og þróun fjármála- og bókhaldskerfa
• Leiðbeiningar og stuðningur við samstarfsfólk í bókhaldi og öðrum deildum
• Önnur verkefni á sviði fjármála og bókhalds í samráði við fjármálastjóra

Menntunar- og hæfniskröfur:

• Menntun sem nýtist í starfi, s.s. á sviði bókhalds, reikningshalds eða viðskipta
• Haldbær reynsla af bókhaldi og uppgjörsvinnu
• Þekking og reynsla á Business Central
• Góð almenn tölvukunnátta, sérstaklega í Excel
• Lausnamiðuð og umbótadrifin hugsun
• Hæfni til að forgangsraða og standa skil á verkefnum innan tímamarka
• Greiningarhæfni og nákvæmni
• Skipulagshæfni og sjálfstæði í vinnubrögðum
• Góð samskiptafærni og þjónustulund
• Góð íslensku- og enskukunnátta

Fríðindi í starfi

• Námskeið og fræðsla
• Líkamsræktarstyrkur
• Hádegismatur
• Fjölbreytt verkefni
• Jákvætt og hvetjandi vinnuumhverfi

Allar umsóknir skulu berast í gegnum ráðningarkerfi Alfred.is og þurfa að innihalda ferilskrá ásamt kynningarbréfi.

Allar nánari upplýsingar um starfið veitir Elísabet Ólöf Allwood, Framkvæmdarstjóri Fjármála í gegnum netfangið [email protected]

Umsóknarfrestur er til og með 5. október nk.

Um Steypustöðina

Steypustöðin var stofnuð árið 1947 og eru aðalstöðvar félagsins á Malarhöfða 10 Reykjavík. Steypustöðin er með útibú á nokkrum stöðum eins og Hafnarfirði, Selfossi, Helguvík, Borgarnesi og Þorlákshöfn ásamt tveimur færanlegum Steypustöðvum.

Eins og nafnið gefur kynna til er meginstarfsemi félagsins framleiðsla og afhending á steypu. Félagið rekur einnig helluverksmiðju, flotbíla fyrir flotmúr, múrverslun, efnisvinnslu og stærstu einingaverksmiðju landsins í Borgarnesi.

Hjá félaginu starfa nú um 300 starfsmenn.