Heinemann Travel Retail Iceland ehf.

Verslunin á Keflavíkurflugvelli hefur í áratugi verið hluti af ferðalagi fólks til og frá Íslandi. Í maí 2025 tók Ísland Duty Free við rekstrinum af Fríhöfninni og þar með hófst nýr kafli á sterkum grunni. Við tökum á móti hundruðum þúsunda ferðalanga á hverju ári og fyrir marga eru verslanir okkar bæði fyrsta og síðasta viðkoman á landinu. Við erum því ekki bara verslun, heldur hlið inn í Ísland og út í heim. Ísland Duty Free er hluti af Gebr. Heinemann, þýsku fjölskyldufyrirtæki með höfuðstöðvar í Hamborg sem hefur starfað í ferðaverslun frá árinu 1879 og er í dag eitt af leiðandi fyrirtækjum heims á því sviði. Með því fylgir aðgangur að alþjóðlegri þekkingu, sterkum samböndum við vörumerki og möguleikum til starfsþróunar þvert á landamæri. Hlutverk okkar er að gera ferðatímann verðmætari með framúrskarandi vöruúrvali, virði og þjónustu. Framtíðarsýn okkar er að skapa eftirminnileg augnablik þar sem Ísland og heimurinn mætast. Hjá Ísland Duty Free setjum við fólk í fyrsta sæti, erum eitt teymi og gerum vegferð hvers og eins ánægjulega. Við erum ungt fyrirtæki með langa sögu að baki, sem þýðir að fólkið okkar hefur raunveruleg áhrif á það sem við byggjum. Við leggjum áherslu á góða móttöku nýliða, öfluga vöruþekkingu og skýrar starfsþróunarleiðir, meðal annars í gegnum alþjóðlegt tengslanet Heinemann.

Profil pracodawcy

Vöruflokkastjóri

Viltu vinna í einu líflegasta umhverfi landsins, innan um úrval af vörum frá stærstu íslensku og alþjóðlegu vörumerkjunum?

Ísland Duty Free leitar að öflugum vöruflokkastjóra áfengis, tóbaks og sælgætis (Category Manager LTC). Hlutverkið ber ábyrgð á að hámarka sölu og arðsemi þessara vöruflokka í verslunum fyrirtækisins á Keflavíkurflugvelli. Starfið felur í sér þróun og framkvæmd stefnu fyrir vöruflokkana, samskipti og samstarf við birgja og náið samstarf þvert á deildir og við hagsmunaaðila innan fyrirtækisins.

Helstu verkefni og ábyrgð

Móta og aðlaga vöruúrval og verðstefnu innan vöruflokkanna
Þróa og innleiða söluáætlanir fyrir vöruflokkana, fylgjast með árangri og grípa til leiðréttandi aðgerða með því að framkvæma ítarlega greiningu á sölugögnum, markaðsþróun og frammistöðu vara
Greina samkeppnisumhverfi og móta framtíðaráherslur vöruflokkanna
Koma á og viðhalda samböndum við innlenda og erlenda birgja. Sjá um samninga í samvinnu við yfirmann vöruflokkastýringar
Skipuleggja og stýra söluaukandi aðgerðum, auk þess að tryggja árangursríka framkvæmd og eftirfylgni
Þróa áætlanir fyrir framboð og eftirspurn vara, þar með talið kynningar- og söluáætlanir, í samráði við yfirmann vöruflokkastýringar
Aðaltengiliður framkvæmdastjórnar, birgja og annarra hagsmunaaðila varðandi mál tengd vöruflokkunum
Skipuleggja og halda utan um vöruflokkatengda þjálfun starfsfólks, þar með talið leiðbeiningar um æskileg vinnubrögð
Umsjón með uppsetningu deilda til að hámarka upplifun viðskiptavina

Menntunar- og hæfniskröfur

Háskólagráða sem nýtist í starfi og reynsla af sambærilegu starfi á sviði vöruflokkastýringar eða smásölu. Þekking á vöruflokkum eins og áfengi, tóbaki og sælgæti er kostur
Framúrskarandi færni í íslensku og ensku, bæði í ræðu og riti, til að eiga árangursrík samskipti í alþjóðlegu umhverfi
Færni í samskiptum við hagsmunaaðila og hæfni til að stuðla að samvinnu á milli deilda.
Stefnumiðuð hugsun og geta til að móta og hrinda viðskiptaáætlunum í framkvæmd, auk reynslu af gerð söluáætlana, eftirfylgni og leiðréttandi aðgerðum
Reynsla í að nýta gögn við ákvarðanatöku, ásamt lausnamiðaðri og framsækinni nálgun við úrlausn verkefna
Reynsla af skipulagningu og framkvæmd söluaukandi verkefna með skipulögðum og öguðum vinnubrögðum
Metnaður og árangursdrifið hugarfar með ríka áherslu á sölu og árangur
Þekking á SAP og Microsoft Office er kostur

Fríðindi í starfi

Líkamsræktarstyrkur

Ökutækjastyrkur

Niðurgreitt mötuneyti

Um okkur

Hjá Ísland Duty Free er fólkið alltaf í fyrirrúmi, bæði samstarfsfólk og viðskiptavinir. Við trúum því að bestu upplifanirnar verði til í hvetjandi, öruggu og mannlegu umhverfi þar sem metnaður fær að blómstra.

Umsóknarfrestur er til og með 16. ágúst.

Frekari upplýsingar veitir Anna Hildur W. Björnsdóttir, framkvæmdastjóri mannauðs og menningar ([email protected])

Utworzono ofertę pracy23. July 2026

Termin nadsyłania podań16. August 2026

Znajomość języków

islandzki

Wymagane

Ojczysty

Angielski

Wymagane

Doskonale

Lokalizacja

Keflavíkurflugvöllur, 235 Reykjanesbær

Rodzaj pracy

Kompetencje

PlanowanieProfesjonalnośćInicjatywaAnalitykaBez kryminalnej przeszłościKreatywnośćPozytywne nastawienieInterakcje międzyludzkieNegocjacjeSumiennośćSamodzielność w pracyZdefiniowanie grupy docelowejPraca zespołowaRelacje biznesoweZarządzanie marką

Zawody

Tagi zawodowe

Podobne oferty pracy (7)