Slökkvilið höfuðborgarsvæðisins

Starfsemi okkar er fjölbreytt og er markmið okkar að sinna forvörnum og útkallsþjónustu á þjónustusvæði okkar sem nær yfir öll sveitarfélögin á höfuðborgarsvæðinu. Við sinnum slökkvistarfi skv. lögum um brunavarnir, sjúkraflutningum á svæðinu, almannavörnum, björgun úr sjó, vötnum og utan alfaraleiða ásamt öflugu eldvarnaeftirliti. Starfsfólk okkar er tæplega 200 staðsett á fjórum slökkvistöðum, en á starfssvæði okkar býr 63% allra landsmanna.

Profil pracodawcy

Viltu vinna að almannavörnum á höfuðborgarsvæðinu?

Almannavarnanefnd höfuðborgarsvæðisins (AHS) leitar að framsýnum einstakling sem hefur áhuga og metnað til að vinna að almannavörnum fyrir sveitarfélögin á höfuðborgarsvæðinu.

Starfið felur m.a. í sér að tryggja sem best velferð íbúa aðildarsveitarfélaganna með forvörnum, leiðsögn og viðbrögðum við almannavarnaástandi í samstarfi við sveitarfélögin og neyðarstjórnir þeirra.

Helstu verkefni og ábyrgð

· Koma að og eftir atvikum leiða og/eða samræma ýmsa þætti sem snerta starfssemi er þarf að vera órofin hjá sveitafélögunum í almannavarnarástandi

· Starfa náið með neyðastjórnum sveitarfélaganna á höfuðborgarsvæðinu

· Þátttaka í áhættumati/áfallaþoli sveitarfélaganna á höfuðborgarsvæðinu

· Kanna möguleika á áhættuminnkun á svæðinu og eftirfylgni hennar

· Undirbúa viðbrögð við atburðum, s.s. með viðbragðsáætlunum, leiðbeiningum og kennsluefni, ásamt æfingum

· Taka þátt í aðgerðum og tilfallandi verkefnum þegar lýst hefur verið yfir almannavarnastigi eða í annars konar viðbragði utan almannavarnaástands

Menntunar- og hæfniskröfur

· Háskólamenntun sem nýtist í starfi

· Meistaranám kostur en ekki skilyrði

· Haldbær reynsla eða þekking af almannavörnum æskileg

· Reynsla af því að vera með kynningar fyrir framan hóp kostur

· Sjálfstæð vinnubrögð og frumkvæði í starfi

· Góð samskiptafærni

· Jákvætt og lausnamiðað hugarfar

· Góð íslenskukunnátta er nauðsynleg, sem og kunnátta í ensku. Kunnátta í einu norðurlandamáli kostur

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og færni til að gegna starfinu. Laun eru samkvæmt kjarasamningi viðkomandi stéttarfélags og Sambands íslenskra sveitarfélaga. Við hvetjum öll óháð kyni og uppruna að sækja um. Starfið heyrir undir framkvæmdastjóra almannavarnanefndar. Nánari upplýsingar veitir Guðný E. Ingadóttir mannauðsstjóri Slökkviliðs höfuðborgarsvæðisins í síma 528 3000 eða á [email protected].

Utworzono ofertę pracy27. April 2026

Termin nadsyłania podań17. May 2026

Znajomość języków