Verslunar & vefverslunarstjóri í stærsta apóteki Lyfjavals

Um er að ræða nýtt og spennandi starf innan Lyfjavals sem felur í sér að stýra verslun og afgreiðslu í okkar stærsta apóteki, Bílaapótekinu Hæðasmára, ásamt því að hafa yfirumsjón með afgreiðslum af vefsíðu okkar www.lyfjaval.is. Sem verslunarstjóri tekur þú virkan þátt í að stýra daglegum rekstri og styður leyfishafa apótekins í að tryggja framúrskarandi þjónustu, öfluga sölu og skilvirk vinnubrögð. Næsti yfirmaður er leyfishafi apóteksins í Hæðasmára ásamt framkvæmdastjóra Lyfjavals.

Helstu verkefni

• Dagleg stjórnun og eftirfylgni með rekstri verslunar
• Þjálfun, hvatning og eftirfylgni með starfsfólki
• Sjá til þess að ásýnd verslunar sé alltaf góð
• Umsjón með birgðahaldi og vöruuppstillingu
• Umsjón með daglegum rekstri vefsíðu
• Gæðaeftirlit með þjónustuupplifun viðskiptavina
• Greining sölutalna og aðgerðir til að hámarka árangur

Hæfniskröfur:

Viðkomandi þarf að geta unnið sjálfstætt, vera drífandi og hafa tæknilega getu til þess að sinna afgreiðslum í gegnum vefsíðu.

• Reynsla úr verslunarrekstri og/eða sölu – helst í stjórnunarhlutverki
• Leiðtogahæfni og geta til að hvetja teymi
• Frábær samskiptahæfni og þjónustulund
• Skipulagshæfni og sjálfstæði í vinnubrögðum
• Grunn bókhaldsþekking
• Góð almenn tölvukunnátta
• Góð íslensku kunnátta
• Hæfni til að vinna við fjölbreyttar aðstæður

Vinnutími:

Alla virka daga 09:00 - 17:00

Umsóknarfrestur er til og með 12. september 2025.

Frekari upplýsingar veitir framkvæmdastjóri í gegnum netfangið [email protected].