Verkfræðingur óskast á mannvirkjasvið

Norconsult á Íslandi leitar að metnaðarfullum byggingarverk- eða tæknifræðingi á mannvirkjasvið fyrirtækisins. Starfið er mjög fjölbreytt og áhugavert.

Norconsult á Íslandi er partur af alþjóðlegu ráðgjafafyrirtæki og jafnframt stærstu verkfræðistofu Noregs með um 7000 starfsmenn þar sem verkefnin spanna frá skipulagi innviða til verkfræði og arkitektúrs. Á Íslandi starfa um 25 manns við verkfræði og að auki 60 við arkitektúr, fyrirtækin eru rekin sem sjálfstæðar einingar á tveimur starfsstöðvum.

Helstu verkefni og ábyrgð

• Vinna í verkefnum tengt burðarþoli og verkeftirliti
• Verkefnastjórnun og miðlun verkefna
• Verkefnaöflun & Teymisstjórnun
• Ráðgjöf í tengslum við hönnun mannvirkja
• Samskipti við verktaka, hönnuði og aðra hagaðila
• Framvindueftirlit, verkfundir og úttektir
• Gerð útboðsgagna og verklýsingar

Menntunar- og hæfniskröfur

• > 15 ára starfsreynsla
• Háskólamenntun í byggingarverk- eða tæknifræði
• Löggiltur mannvirkjahönnuður
• Leiðtogahæfni, drifkraftur og metnaður
• Góð þekking á íslenskum byggingamarkaði
• Iðnmenntun / starfsreynsla við byggingaframkvæmdir er kostur

Fríðindi í starfi

Hreyfistyrkur, samgöngustyrkur, símastyrkur ásamt símaáskrift og heimanettengingu, svo eitthvað sé nefnt. Fyrirtækið er að megninu í eigu starfsmanna sinna og býðst öllum starfsmönnum árleg fríðindi til hlutabréfakaupa í fyrirtækinu á sérkjörum. Sveigjanlegur vinnutími í vinalegu umhverfi og í hjarta Kópavogs.

Nánari upplýsingar um vinnustaðinn www.norconsult.is

Farið verður með allar umsóknir sem trúnaðarmál.

Nánari upplýsingar um starfið veitir: Þorgeir Hólm Ólafsson, [email protected]