Arion banki

Starfsfólk Arion banka er kjarninn í starfsemi bankans og kappkostar bankinn að búa vel að starfsfólki sínu. Arion banki er lifandi vinnustaður þar sem starfsumhverfið einkennist af fagmennsku, framsækni, umhyggju og tryggð Hjá Arion banka starfa um 900 manns, þar af eru 65% konur og 35% karlar. Kynjaskipting á meðal stjórnenda bankans er fremur jöfn og sama gildir um aldursdreifingu innan bankans en meðalaldur starfsfólks Arion banka er 42 ár. Fjölmargt starfsfólk hefur sýnt bankanum og forverum hans mikla tryggð og eru dæmi um að starfsfólk sé með meira en 40 ára starfsaldur. Meðal starfsaldur hjá Arion banka er tíu ár.

Profil pracodawcy

Vefforritari

Ertu skapandi forritari með auga fyrir smáatriðum og brennandi áhuga á frábærri notendaupplifun?

Við hjá Arion banka leitum að drífandi og lausnamiðuðum einstaklingi til að ganga til liðs við vefteymið okkar í hugbúnaðarþróun. Þú munt gegna lykilhlutverki í þróun og viðhaldi veflausna bankans og tengdra félaga – með það að markmiði að skapa öruggar, notendavænar og fallegar lausnir.

Helstu verkefni og ábyrgð

Þróun á vefjum Arion banka og dótturfélaga
Samþætting veflausna við önnur kerfi, t.d. Contentful
Greina og leysa tæknileg vandamál í vefum og kerfum

Menntunar- og hæfniskröfur

Reynsla af vefþróun og uppsetningu vefsetra
Reynsla og góð þekking á React
Þekking á samþættingum við kerfi eins og Contentful er kostur
Brennandi áhugi á að skapa notendavænar, aðgengilegar og fallegar lausnir
Góð samskiptahæfni og hæfni í teymisvinnu
Sjálfstæð og skipulögð vinnubrögð
Gott auga fyrir smáatriðum

Umsóknarfrestur er til og með 22.október 2025.

Nánari upplýsingar veitir Ívar Örn Helgason, tæknilegur leiðtogi framenda ([email protected])

Hlutverk Arion banka er að vinna að markmiðum viðskiptavina, eigenda, starfsfólks og samfélagsins alls. Við bjóðum snjallar og traustar fjármálalausnir sem skapa viðskiptavinum, hluthöfum og samfélaginu öllu verðmæti til framtíðar. Starfsfólk bankans er fjölbreyttur hópur fólks sem á það sameiginlegt að hafa metnað fyrir störfum sínum. Við leggjum okkur fram við að byggja upp vinnustað þar sem kunnátta, þekking og færni fær að njóta sín. Við virðum mannréttindi og jafnrétti í allri okkar starfsemi og leggjum kapp á að starfa í sátt við samfélagið og umhverfið. Þinn árangur er það sem við stefnum að.

Utworzono ofertę pracy10. October 2025

Termin nadsyłania podań22. October 2025

Znajomość języków