Fastus

Fastus ehf er framsækið þjónustufyrirtæki sem sér fyrirtækjum og stofnunum fyrir hágæða vörum, tækjum og búnaði. Markmið okkar hefur frá upphafi verið að byggja upp lifandi fyrirtæki sem skarar fram úr á krefjandi markaði og vera fyrsti valkostur viðskiptavina, birgja og annarra samstarfsaðila. Forsenda þess er þekking, reynsla og metnaður starfsfólks sem nýtur þess að ná árangri og vaxa með hverju verki.

Profil pracodawcy

Þekkir þú kæli- og frystibúnað?

Ert þú með reynslu af kæli- og frystbúnaði eða brennandi áhuga á faginu?

Fastus expert leitar að öflugum og lausnamiðuðum einstaklingi í fjölbreytt og spennandi verkefni á sviði kæli- og frystikerfa. Í starfinu felst ábyrgð á uppsetningu, viðhaldi og viðgerðum á kæli- og frystibúnaði, auk umsjónar með virkni og rekstri kerfanna.

Viðkomandi mun koma til með að starfa í fjölbreyttu og lifandi umhverfi með öflugu teymi. Um er að ræða 100% starf.

Nánari upplýsingar veitir Vésteinn Marinósson, [email protected] og Hafþór Svendsen, [email protected]

Helstu verkefni og ábyrgð

Heimsóknir og þjónusta hjá viðskiptavinum um land allt
Samskipti við viðskiptavini og erlenda birgja
Almenn viðhaldsvinna og þjónusta á kælikerfum og öðrum búnaði
Uppsetning kælikerfa- og búnaðar
Önnur tilfallandi verkefni

Menntunar- og hæfniskröfur

Áhugi á kæli- og frystikerfum
Leitað er að jákvæðum einstaklingum sem er sjálfstæðir, skipulagðir og eiga auðvelt með mannleg samskipti
Sjálfstæði og lausnarmiðuð hugsun
Bílpróf
Vilji og geta til þess að sækja námskeið hjá erlendum framleiðendum

Við hjá Fastus veitum framúrskarandi þjónustu og bjóðum fjölbreytt og spennandi vöruframboð. Hlutverk fyrirtækisins er að styðja við árangur viðskiptavina. Við störfum með aðilum m.a. í heilbrigðisrekstri, veitinga- og ferðaþjónustu.

Fyrirtækið samanstendur af samstilltum hópi fagfólks sem starfar af metnaði og ánægju, með skýra sýn á þarfir og væntingar viðskiptavina. Markmiðið er ávallt að veita bestu mögulegu lausnir.

Lausnamiðað hugarfar, þverfaglegt samstarf og frumkvæði eru metin mikils. Mikilvægt er að geta lagað sig að síbreytilegu umhverfi, og starfsfólk fær stuðning til að vaxa og þróast í starfi. Félagið hefur hlotið jafnlaunavottun og er með kraftmikið starfsmannafélag sem stuðlar að góðri liðsheild og skemmtilegum starfsanda.

Allir áhugasamir eru hvattir til að sækja um, óháð kyni og uppruna.

Utworzono ofertę pracy11. July 2025

Termin nadsyłania podań11. August 2025

Znajomość języków

Brak wymagań językowych

Lokalizacja

Höfðabakki 7, 110 Reykjavík

Rodzaj pracy

Kompetencje