Sumarstarf á lager

Einingaverksmiðjan óskar eftir að ráða öflugan einstakling í sumarstarf á lager og í tilfallandi verkefni inn á verkstæði fyrirtækisins. Helstu verkefni snúa að innkaupum, vöruafgreiðslu, sækja vörur á vinnubíl fyrirtækisins, tilttekt og frágangur. Það er hluti af starfinu að taka til og ganga frá inni í verksmiðju og úti á útilagersvæði. Viðkomandi mun sinna einföldum verkefnum á verkstæði þegar þörf krefur og ef tími gefst til.

Um er að ræða tímabundið sumarstarf frá c.a. 15. maí til 10. ágúst 2026.

Einingaverksmiðjan sérhæfir sig í og framleiðir forsteyptar lausnir fyrir breiðan hóp viðskiptavina og hefur byggt upp gríðarlega sérþekkingu og áratuga verkkunnáttu. Hjá fyrirtækinu starfa um 75 starfsmenn.