Björgun ehf.

Björgun framleiðir steinefni fyrir mannvirkjagerð, sér um dýpkunarframkvæmdir og dælingu malarefna úr sjó með sérútbúnum dæluskipum. Þá starfrækir Björgun námuvinnslu steinefna úr landi og sjó og sinnir efnissölu til mannvirkjagerðar. Hráefnin koma úr námum í sjó og á landi og sinnir Björgun efnisvinnslu í kjölfarið á nýju athafnasvæði í Álfsnesvík. Mikil áhersla er lögð á gæðamál, enda gefa góð og vönduð steinefni betri árangur og endingu, og eru steinefni frá Björgun sem eru notuð til steinsteypu- og malbiksgerðar CE merkt Björgun hefur mikla reynslu og þekkingu á hafnardýpkunum og dælingu á sjávarefnum og hefur komið að uppbyggingu fjölmargra strand- og bryggjuhverfa hér á landi. Tvö sanddæliskip eru innan raða félagsins, Álfsnes og Sóley. Björgun er í eigu eignarhaldsfélagsins Hornsteins efh. sem á og rekur þrjú dótturfélög sem starfa við öflun hráefna, framleiðslu, sölu og þjónustu á byggingarmarkaði og við mannvirkjagerð á Íslandi. Fyrirtækin eru Björgun ehf., BM Vallá ehf. og Sementsverksmiðjan ehf. og hafa þessi félög rótgróna sögu á Íslandi sem rekja má allt aftur til fyrri hluta síðustu aldar. Hjá fyrirtækjunum starfa um 200 manns á starfsstöðvum víða um land.

Profil pracodawcy

Stýrimaður - Helmsman/ First mate

Björgun leitar að stýrimanni á Álfsnes RE, sem er notað til að afla hráefnis (steinefni) til vinnslu í landi, auk dýpkunar og landgerðarverkefna.

Stýrimaður stendur vaktir í brú á móti skipsstjóra í vaktakerfi 6 og 6 þar sem unnið er í tvær vikur og tvær vikur frí.

Þekking á sanddælingu og efnisvinnslu er kostur.

Kaup og kjör eru samkvæmt kjarasamningi við Félag Skipstjórnarmanna.

----

Björgun is seeking a First Mate for the vessel Álfsnes RE, which is used to source raw materials for onshore processing, dredging, and land reclamation.

The First Mate will stand watch on the bridge opposite the Captain in a 6-on/6-off shift system, working for 2 weeks followed by 2 weeks off.

Experience with sand dredging and material handling is an advantage.

Salary and terms are in accordance with the collective agreement with the Association of Ship Masters.

Helstu verkefni og ábyrgð

Stýring og ábyrgð á siglingu skipsins í samráði við skipstjóra.
Umsjón með dælingum og stjórnun á vöktum (6 & 6 vaktakerfi).
Skipulagning og framkvæmd viðhaldsverkefna, þar á meðal skipti á dælurörum og almenn viðhaldsvinna.
Eftirlit með öryggisbúnaði og trygging þess að öryggisreglur séu virtar.
Þátttaka í daglegum rekstri skipsins og góð samvinna við áhöfn.
Aðstoð við skipstjóra við stjórnun og ákvarðanatöku.

---

Navigation and operational command of the vessel in cooperation with the Captain.
Supervision of cargo pumping operations and management of watchkeeping duties (6 & 6 shift system).
Planning and execution of maintenance tasks, including replacement of pump pipes and general upkeep.
Oversight of safety equipment and ensuring compliance with safety regulations.
Participation in the daily operation of the vessel and collaboration with the crew.
Assisting the Captain with management and decision-making.

Menntunar- og hæfniskröfur

Réttindi sem stýrimaður á skipum að 3000 BT (STCW II/2 eða D2 samkvæmt norska kerfinu).
Reynsla af stjórnun stærri skipa er æskileg.
Góð þekking á dælingarbúnaði og viðhaldi skips.
Hæfni til að vinna sjálfstætt og í teymi.
Hjálpsemi, sveigjanleiki og góð mannleg samskipti eru lykilatriði.
Góð íslenskukunnátta og enskukunnátta nauðsynleg.

Valid certification as Chief Mate on ships up to 3000 GT (STCW II/2 or D2 under the Norwegian system).
Experience in operating and managing larger vessels is preferred.
Solid knowledge of pumping systems and vessel maintenance.
Ability to work independently and as part of a team.
Helpfulness, flexibility, and strong interpersonal skills are essential.
Proficiency in Icelandic and English is required.

Hvers vegna að starfa hjá Björgun?

1) Áherslur í umhverfismálum

Við vinnum að því að gera mannvirkjagerð landsins umhverfisvænni með vörum og lausnum sem hafa jákvæðari umhverfisáhrif. Umhverfismál, sjálfbærni, gæði og góð þjónusta er sameiginlegur drifkraftur okkar og hvetur okkur áfram í starfi.

2) Áherslur á vellíðan og öryggi

Við leggjum áherslu á öryggismál og vellíðan með sterka öryggismenningu - enda eiga allir að koma heilir heim eftir vinnudaginn. Starfsfólk er hvatt til þess að leggja rækt við andlega og líkamlega heilsu. Við erum fjölskylduvænn vinnustaður, bjóðum upp á góða heilsuverndarþjónustu og frían hádegismat (utan hlunnindaskatt).

3) Áherslur á liðsheild

Við vitum að gott samstarf er lykillinn að árangri. Þess vegna byggjum við upp öfluga liðsheild og tryggjum starfsskilyrði sem stuðla að starfsánægju og starfsþróun. Reglulegir viðburðir og öflugt starfsmannafélag skapa skemmtilegar samverustundir með vinnufélögum og mökum.

4) Áherslur á fræðslumál

Við styðjum við bakið á fróðleiksfúsum starfsmönnum og starfrækjum fræðslukerfið Samsteypuna til að halda utan um stafrænt fræðsluefni fyrir starfsfólk. Starfsfólk af erlendum uppruna fær einnig aðgang að stafrænum íslenskukennara til að efla íslenskukunnáttu.

Smelltu á hlekkinn til að fræðast meira um vinnustaðinn.

----

Um fyrirtækin

Björgun er í eigu Eignarhaldsfélagsins Hornsteins ehf., sem rekur einnig BM Vallá og Sementsverksmiðjuna. Hjá fyrirtækjunum starfar fjölbreyttur og samhentur hópur fólks að því að gera mannvirkjagerð á Íslandi umhverfisvænni. Starfsfólk hjá móður- og dótturfélögum er hátt í 200 talsins. Við erum fjölþjóðlegur vinnustaður og fögnum fjölbreytileikanum, ólíkri menningu og bakgrunni.

Komdu í lið með okkur og saman stuðlum við að aukinni sjálfbærni í mannvirkjagerð landsins.

Utworzono ofertę pracy25. August 2025

Termin nadsyłania podań14. September 2025

Znajomość języków