Stjórnandi skólahljómsveitar Grafarvogs

Stjórnandi Skólahljómsveitar Grafarvogs – spennandi tækifæri til uppbyggingar og forystu í tónlistarmenntun barna.

Skóla- og frístundasvið Reykjavíkurborgar auglýsir lausa til umsóknar stöðu stjórnanda Skólahljómsveitar Grafarvogs. Leitað er að leiðtoga með skýra sýn og ástríðu fyrir tónlistarmenntun sem vill taka virkan þátt í að þróa öflugt og skapandi skólastarf.

Reykjavíkurborg rekur fjórar skólahljómsveitir sem starfa í Vesturbæ-Miðbæ, Austurbæ, Árbæ-Breiðholti og Grafarvogi. Hljómsveitirnar heyra undir skóla- og frístundasvið borgarinnar og starfa samkvæmt aðalnámskrá tónlistarskóla, eftir menntstefnu borgarinnar og stefnu um framtíðarskipan tónlistarnáms í Reykjavík.

Skólahljómsveitir Reykjavíkur gegna lykilhlutverki í að tryggja öllum börnum og ungmennum aðgang að gæða tónlistarnámi – óháð búsetu og félagslegum aðstæðum. Meginmarkmið starfseminnar er að jafna tækifæri til tónlistarnáms og efla hæfni nemenda til að flytja, skapa og njóta tónlistar. Á sjötta hundrað nemendur stunda nám í skólahljómsveitunum og eru þær virkur þátttakandi í menningarlífi borgarinnar, með reglulegum tónleikum og þátttöku í hverfahátíðum og borgarviðburðum.

Skólahljómsveit Grafarvogs, sem hefur aðsetur í Húsaskóla, sinnir kennslu barna á grunnskólaaldri í þremur blásarasveitum þar sem kennt er á öll helstu blásturshljóðfæri, slagverk og rafbassa – allt í anda hefðbundinnar blástursveitaskipunar. Sérstök áhersla er lögð á að styðja nemendur í undirbúningi fyrir virka þátttöku í hljómsveitarstarfi. Hljómsveitin er mikilvægur þátttakandi í listalífi hverfisins og býður fjölbreytt tækifæri til skapandi þróunar og samstarfs.

Við leitum að stjórnanda sem:

• Hefur metnað til að byggja upp og efla faglegt starf skólahljómsveitarinnar
• Skilur mikilvægi tónlistar í lífi barna og samfélagsins
• Býr yfir hæfni til að leiða sveitina inn í næsta kafla með fagmennsku, skýrri framtíðarsýn og samvinnu að leiðarljósi