Spennandi starf í búsetukjarna fyrir fatlað fólk
Við hjá Velferðarsviði Mosfellsbæjar leitum að öflugum og framsæknum starfsmönnum til liðs við okkur á nýjasta kjarna Mosfellsbæjar fyrir fatlað fólk með flóknar stuðningsþarfir. Um fyrsta kjarna þessarar tegundar er að ræða hjá Mosfellsbæ og því frábært tækifæri.
Um er að ræða starf í 50-100% starfshlutfalli.
Gert er ráð fyrir því að starfsmenn vinni aðra hvora helgi í mánuði. Um er að ræða sólarhringsþjónustu á heimili fólks svo mikill kostur er ef fólk getur unnið fjölbreyttar vaktir.
Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.
Hlutverk starfsmannsins er að styðja við og veita íbúum aðstoð við daglegar athafnir, félagslega virkni og stuðning til sjálfshjálpar. Við veitum íbúum einstaklingsmiðaða þjónustu og er markmið okkar að öll fái framúrskarandi þjónustu. Í því felst að aðstoða íbúa við dagleg störf, að halda heimili, stunda vinnu og njóta menningar- og félagslífs. Unnið er eftir hugmyndafræði þjónandi leiðsagnar og valdeflingar. Við störfum samkvæmt lögum um þjónustu við fatlað fólk nr.38/2018.
· Góð almenn menntun
· Áhugi á málefnum fatlaðs fólks
· Reynsla af starfi með fötluðu fólki mikill kostur
· Þekking á hugmyndafræðinni um sjálfstætt líf og þjónandi leiðsögn kostur
· Framúrskarandi hæfni í mannlegum samskiptum og jákvæðni í starfi
· Frumkvæði, sjálfstæð vinnubrögð og metnaður í starfi
· Viðkomandi þarf að vera 20 ára eða eldri
· Góð íslenskukunnátta skilyrði
· Hæfni til að takast á við krefjandi vinnuumhverfi
· Hreint sakavottorð
Hjá Mosfellsbæ er unnið samkvæmt betri vinnutíma í vaktavinnu og ýmis hlunnindi í boði fyrir starfsfólk. Þar má nefna samgöngustyrk, líkamsræktarstyrk og sundkort.
islandzki
