Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Profil pracodawcy

Sjúkraliðar og sjúkraliðanemar í starfsnámi - Spennandi störf á smitsjúkdómadeild

Ertu góður liðsmaður og langar þig að starfa þar sem ríkir góður starfsandi og áhersla er á samvinnu, virðingu og jákvætt og hvetjandi starfsumhverfi?

Við sækjumst eftir reynslumiklum sem og nýútskrifuðum sjúkraliðum í okkar góða hóp. Einnig leitum við eftir sjúkraliðanemum í starfsnámi. Starfshlutfall og vinnufyrirkomulag er samkomulagsatriði og eru störfin laus frá 1. september 2025 eða eftir samkomulagi.

Smitsjúkdómadeild Fossvogi er 20 rúma sólarhringsdeild, ætluð sjúklingum með bráð vandamál á sviði lyflækninga. Deildin sérhæfir sig í smitsjúkdómum en sjúklingahópurinn er fjölbreyttur og gefast því góð tækifæri til starfsþróunar og að öðlast fjölþætta reynslu. Á deildinni starfa um 70 einstaklingar í nánu samstarfi við fagfólk í öðrum sérgreinum. Starfsandi á deildinni er sérlega góður. Við tökum vel á móti nýju fólki og veitum einstaklingsmiðaða aðlögun.

Wymagane wykształcenie i kwalifikacje

Íslenskt starfsleyfi sjúkraliða/ vottun um launað starfsnám

Jákvætt viðhorf, frumkvæði og samskiptahæfni

Faglegur metnaður og áhugi á að öðlast færni í hjúkrun sjúklinga með smitsjúkdóma og annarra sem á deildinni dvelja

Sjálfstæði í vinnubrögðum

Hæfni og geta til að vinna í teymi

Íslenskukunnátta

Główne zadania i obowiązki

Hjúkrun einstaklinga í samvinnu við aðra fagaðila

Þátttaka í fjölskylduhjúkrun

Þátttaka í þverfaglegri teymisvinnu

Starfshlutfall: 30-100%

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi eða vottun um launað starfsnám ef sjúkraliðanemi í starfsnámi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Sjúkraliði, sjúkraliðanemi, hjúkrun

Tungumálahæfni: íslenska 3/5

Nánari upplýsingar

Jana Katrín Knútsdóttir, [email protected], 620-1680

Smitsjúkdómadeild

Fossvogi

108 Reykjavík

Utworzono ofertę pracy7. May 2025

Termin nadsyłania podań30. May 2025

Znajomość języków

islandzki

Wymagane

Kompetencje na wysokim poziomie

Lokalizacja

Fossvogur, 108 Reykjavík

Rodzaj pracy

Zawody

Oznaczenia

Więcej ofert pracy (38)

Almennur læknir - Hefur þú áhuga á svæfinga- og gjörgæslulækningum?