Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík frá árinu 1969 og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

Profil pracodawcy

Sérfræðingur umhverfismála

Viltu taka þátt í að móta kolefnislausa framtíð með okkur?

Við leitum að áhugasömum einstaklingi til starfa á rannsóknastofu innan Þróunarsviðs Rio Tinto á Íslandi.

Um er að ræða spennandi og krefjandi starf í lifandi umhverfi. Starfið veitir gott tækifæri til að kynnast umhverfismálum í stóru framleiðslufyrirtæki.

Rannsóknastofan gegnir lykilhlutverki í umhverfismálum Rio Tinto. Þar starfa sex manns sem sinna mælingum á sviði umhverfis- og vinnuumhverfismála, auk efnagreininga sem tengjast rekstri fyrirtækisins. Við leitum að traustum og ábyrgum einstaklingi til þess að verða hluti af okkar teymi.

Helstu verkefni og ábyrgð

Sjá um skipulagningu og framkvæmd mælinga í umhverfismálum og vinnuumhverfi

Tryggja áreiðanleika mælinga og gæði niðurstaðna

Þátttaka í kolefnisbókhaldi fyrirtækisins (ETS)

Úrvinnsla gagna og skýrslugerð

Samskipti innan fyrirtækisins

Fylgja eftir kolefnisáætlun fyrirtækisins

Rýni á tækni til að fanga koltvísýring

Ýmis önnur verkefni tengd umhverfismálum

Menntunar- og hæfniskröfur

Háskólamenntun sem nýtist í starfi

Þekking á efnagreiningu og umhverfismálum

Reynsla af rannsóknum, tækniþróun og umbótastarfi er kostur

Frumkvæði, skipulagshæfileikar og sjálfstæð vinnubrögð

Góð tölvukunnátta og hæfni í greiningarvinnu

Góð íslensku- og enskukunnátta

Góðir samskiptahæfileikar

Fríðindi í starfi

Frítt fæði í mötuneyti
Heilsustyrkur
Fæðingarorlofsstyrkur allt að 18 vikur á óskertum launum
Velferðartorg
Þátttaka í hlutabréfakaupum
Öflugt þjálfunar- og fræðslustarf

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.
Forsenda allra ráðninga hjá Rio Tinto er að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Við hvetjum öll áhugasöm til að sækja um störf hjá Rio Tinto.

Umsóknarfrestur er til og með 22. júní nk.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Auður Bjarnadóttir ([email protected]) og Garðar Óli Ágústsson (garð[email protected]) hjá Vinnvinn.