Sérfræðingur í rannsóknum og gerð Rb blaða
Vilt þú starfa á nútímalegum vinnustað sem leggur áherslu á öfluga miðlun upplýsinga, árangursríkt samstarf við hagaðila og nýsköpun á byggingarmarkaði?
Húsnæðis- og mannvirkjastofnun leitar að öflugu starfsfólki í teymi starfsumhverfis mannvirkjagerðar. Teymið vinnur m.a. að því að efla og samhæfa rannsóknir og prófanir í húsnæðis- og mannvirkjagerð á Íslandi í gegnum samstarfsvettvanginn Burð. Það veitir hagaðilum stuðning til að ná árangri við að uppfylla grunnkröfur um mannvirki. Einnig tekur teymið þátt í endurskoðun byggingarreglugerðar og vinnur að því að draga úr kolefnislosun á íslenskum byggingamarkaði.
Fjölbreytt og krefjandi verkefni eru framundan við þróun á starfsumhverfi mannvirkjagerðar í takt við hlutverk og framtíðarsýn stofnunarinnar.
HMS óskar eftir að ráða sérfræðing í mannvirkjagerð.
- Þátttaka við gerð og þróun Rb blaða, m.a. í samstarfi við fagaðila utan HMS
- Þátttaka í verkefnum samstarfsvettvangsins Burðar[ÞS1] , m.a. Aski mannvirkjarannsóknasjóði
- Þátttaka í að byggja upp þekkingu á prófunum byggingarvara á Íslandi
- Styðja við aukna endurnotkun byggingarvara og aðra hringrás í mannvirkjagerð
- Gerð og miðlun fræðsluefnis um mannvirkjagerð
- Svara tæknilegum fyrirspurnum
- Háskólamenntun á byggingasviði, s.s. verkfræði, tæknifræði, byggingafræði, eða arkitektúr er skilyrði
- Reynsla af byggingaframkvæmdum og hönnun er kostur
- Reynsla af rannsóknum og / eða prófunum er kostur
- Þekking á faggildingum er kostur
- Frumkvæði, sjálfstæði og metnaður til að ná árangri í starfi
- Góð samskipta- og samstarfshæfni, jákvætt og lausnamiðað viðhorf
- Gott vald á íslensku og ensku
Angielski
islandzki
