Sérfræðingur í innri endurskoðun

Arion banki leitar að sérfræðingi í innri endurskoðun með áherslu á upplýsingatækni. Leitað er að skipulögðum og umbótadrifnum einstaklingi með metnað til að ná árangri í starfi og hæfni til að starfa vel í teymi. Innri endurskoðun starfar óháð öðrum deildum í skipulagi bankans og heyrir beint undir stjórn bankans. Í deildinni starfar öflugur hópur reynslumikilla sérfræðinga með það hlutverk að sjá um innri endurskoðun bankans, dótturfélaga og lífeyrissjóða í rekstri bankans.

Um er að ræða spennandi starf þar sem viðkomandi fær heildarsýn og innsýn í rekstur og kerfi. Starfsfólk fær tækifæri til þess að stuðla að umbótum, þannig hafa áhrif til góðs og vinna með fjölbreyttum hópi fólks innan bankans.