Útilíf

Útilíf á sér stað í hjarta margra Íslendinga þar sem verslunin hefur verið hluti af áhugamálum og lífsstíl landsmanna síðan 1974. Útilíf rekur tvær íþróttaverslanir í Kringlunni og Smáralindinni ásamt útivistarverslun í Skeifunni 11. Þá rekur Útilíf einnig The North Face á Hafnartorgi. Útilíf er áfangastaður, þar er gott að vera og versla – en er á sama tíma upphaf ævintýra og minninga. Við hvetjum fólk til að fara lengra og stefna að heilbrigðari sál í hraustum líkama, í sátt við umhverfið og samfélagið. Útilíf leggur áherslu á að vera skemmtilegur og metnaðarfullur vinnustaður sem stuðlar að vexti og ánægju starfsmanna.

Profil pracodawcy

Markaðsfulltrúi

Útilíf leitar að skapandi og drífandi markaðsfulltrúa sem hefur brennandi áhuga á útivist, hreyfingu og heilbrigðum lífsstíl.
Við viljum fá til liðs við okkur einstakling sem sýnir frumkvæði, hugsar í lausnum og getur breytt ferskum hugmyndum í áhrifaríkar og eftirtektarverðar markaðsaðgerðir.

Helstu verkefni og ábyrgð

Umsjón með samfélagsmiðlum og öðrum stafrænum miðlum.
Skipulagning og framkvæmd markaðsherferða, kynninga og viðburða.
Gerð og miðlun markaðsefnis fyrir vef, póstlista og verslanir.
Samstarf við birgja og vörumerki um markaðsefni og kynningar.
Virk þátttaka í þróun og markaðssetningu á Jarðsambandinu, vildarkerfi Útilífs.
Þátttaka í uppbyggingu á samfélagi í kringum Útilíf, bæði á samfélagsmiðlum og í tengslum við viðburði og íþróttafólk.

Menntunar- og hæfniskröfur

Menntun og/eða reynsla á sviði markaðsmála.
Sterk hæfni í textasköpun og efnismiðlun.
Góð innsýn og/eða reynsla af samfélagsmiðlum, sérstaklega Instagram og TikTok.
Skilningur á áhrifavaldamarkaðssetningu og nýjustu straumum í stafrænum miðlum.
Frumkvæði, sjálfstæði og lausnamiðuð nálgun.
Góð samskipta- og skipulagshæfni.
Áhugi á heilbrigðum lífsstíl.
Þekking á Figma er kostur.

Fríðindi í starfi

Við hjá Útilífi leggjum áherslu á heilbrigt jafnvægi milli vinnu og einkalífs, hvetjandi vinnuumhverfi og tengingu við lífsstílinn sem við störfum í kringum. Sem starfsmaður hjá Útilíf getur þú meðal annars notið eftirfarandi fríðinda:

Starfsmannaafsláttur í verslunum Útilífs og The North Face Hafnartorgi.
Aðgangur að skemmtilegum viðburðum, t.d. hlaupum og útivistartengdum áskorunum.
Sveigjanlegt og hvetjandi vinnuumhverfi þar sem þú hefur áhrif á verkefnin sem þú vinnur að.
Þjálfun og starfsþróun, með tækifærum til að vaxa og taka þátt í spennandi verkefnum innan fyrirtækisins.

Utworzono ofertę pracy23. May 2025

Termin nadsyłania podań1. June 2025

Znajomość języków