Liðsmaður í framleiðslu hjá Icelandair Packages

Icelandair Packages er teymi innan Icelandair sem gerir viðskiptavinum kleift að kaupa flug, hótel, afþreyingu og aðra þjónustu á einum stað.

Liðsmaður í framleiðslu kemur til með að halda utan um framleiðslu, samskipti við birgja og rekstur hverskyns pakkaferða, í nánu samstarfi við aðra sérfræðinga teymisins, með áherslu á íslenskan markað undir merkjum Icelandair VITA.

Við leitum að öflugum einstaklingi sem hefur áhuga á fjölbreyttu og krefjandi starfi í framleiðslu og rekstri pakkaferða. Við leitum einnig eftir liðsmanni sem hefur góða samskipta- og skipulagshæfileika, sýnir frumkvæði og drifkraft í starfi og elskar að veita framúrskarandi þjónustu.

Ábyrgðarsvið:

• Framleiðsla, skipulagning, verðlagning og rekstur pakkaferða frá Íslandi
• Vöruframboð, uppsetning og utanumhald í bókunarkerfi
• Samningar og samskipti við birgja
• Samstarf við aðrar deildir og stuðningur við söluteymi
• Önnur tilfallandi störf

Hæfni og menntun:

• Menntun og/eða reynsla sem nýtist í starfi
• Kunnátta á Amadeus er kostur
• Góð almenn tölvuþekking er nauðsynleg, ásamt hæfni og vilja til að læra.
• Nákvæmni, skipulagshæfni og samviskusemi
• Sjálfstæði í vinnubrögðum
• Góð samskiptahæfni og teymishugsun
• Hugmyndaríki, jákvæðni og lausnamiðað hugarfar
• Mjög góð íslensku- og enskukunnátta í ræðu og riti

Stefna Icelandair er að stuðla að jafnrétti og fjölbreytileika á meðal starfsfólks og hvetur einstaklinga af öllum kynjum til að sækja um.

Umsóknir ásamt kynningarbréfi og ferilskrá óskast eigi síðar en 31.ágúst.