Leikskólastjóri Rauðhóll
Rauðhóll er staðsettur í Norðlingaholti og er í nálægð við Rauðavatn, Elliðaárdal, Heiðmörk og Rauðhóla. Nærumhverfi skólans býður upp á fjölbreytta möguleika til skapandi og skemmtilegs útináms fyrir börn og starfsfólk.
Leikskólinn er 10 deilda leikskóli þar sem starfa hátt í 80 starfsmenn með margvíslega menntun og reynslu. Starfstöðvar leikskólans eru þrjár, Litir v/Sandavað 7 þar sem yngstu börnin hefja leikskóla, Ævintýri v/Árvað 3 þar sem tveir elstu árgangar leikskólans eru við leik og störf og Skógarhúsið í Björnslundi v/Elliðabraut 26 þar sem börnin fá öll tækifæri til fjölbreytni í útinámi.
Rauðhóll hefur vaxið jafnt og þétt í þau 19 ár sem hann hefur verið starfræktur. Umhyggja, gleði, húmor og samkennd einkennir starfsandann. Þar er lögð ríka áherslu á símenntun og starfsfólk fær tækifæri til að nýta eigin styrkleika þannig að það nái að blómstra í starfi. Þetta skilar sér í framúrskarandi leikskólastarfi.
- Vera faglegur leiðtogi leikskólans og móta framtíðarstefnu hans innan ramma laga, reglugerða,aðalnámskrár og stefnu Reykjavíkurborgar.
- Bera ábyrgð á daglegu starfi í leikskólanum.
- Skipuleggja foreldrasamstarf í samvinnu við foreldra og starfsmenn.
- Hafa yfirumsjón með innra mati á starfi leikskólans og umbótaáætlunum.
- Hvetja til þróunar og nýbreytni í leikskólastarfi.
- Stýra rekstri leikskólans á grundvelli fjárhagsáætlunar.
- Bera ábyrgð á starfsmannamálum, svo sem ráðningum, vinnutilhögun og starfsþróun.
- Skipuleggja tengsl skólans við ýmsa samstarfsaðila.
Í öllu starfi skóla- og frístundasviðs er unnið að innleiðingu Menntastefnu Reykjavíkur, Látum draumana rætast, þar sem leiðarljósin eru virkni og þátttaka barna, aukið samstarf og fagmennska.
- Leikskólakennaramenntunog leyfisbréf kennara.
- Viðbótarmenntun í stjórnun eða kennslureynsla á leikskólastigi.
- Reynsla af stjórnun æskileg.
- Stjórnunarhæfileikar og vilji til að leita nýrra leiða.
- Þekking á rekstri, áætlanagerð og fjármálastjórnun.
- Lipurð og hæfni í samskiptum.
- Sjálfstæði og frumkvæði.
- Áhugi og/eða reynsla af að leiða þróunarstarf.
- Íslenskukunnátta C1 samkvæmt evrópska tungumálarammanum.
islandzki