Auðkenni ehf.

Auðkenni var stofnað árið 2000 af fyrirtækjum í fjármálum og upplýsingatækni vegna vaxandi krafna um aukið öryggi í rafrænum viðskiptum. Fyrirtækið hefur verið í eigu hins opinbera frá árinu 2022 og á samstarf við fjölmarga aðila, meðal annars fjármálageirann, opinbera aðila og leiðandi fyrirtæki í upplýsingatækni og fjarskiptum. Þá á fyrirtækið einnig í viðamiklu evrópsku samstarfi. Þjónusta Auðkennis er byggð á íslenskum lausnum, þróuðum af fyrirtækinu sjálfu, og alþjóðlegum lausnum sem sniðnar eru að íslenskum aðstæðum. Rafræn skilríki Auðkennis spila lykilhlutverk í að auðvelda samskipti einstaklinga, fyrirtækja og stofnana. Þjónusta og lausnir Auðkennis eru mikilvægar grunnstoðir í stafrænum innviðum íslensks samfélags. Hjá Auðkenni starfa um 30 manns í dag.

Profil pracodawcy

Kerfisstjóri / IT Administrator

Við leitum að öflugum og lausnamiðuðum kerfisstjóra til að ganga til liðs við teymið okkar. Starfið felur í sér rekstur, viðhald og þróun upplýsingakerfa fyrirtækisins ásamt stuðningi við starfsfólk og þjónustur sem snúa að viðskiptavinum.

Helstu verkefni og ábyrgð

Umsjón með Linux- og Windows-kerfum
Uppsetning, rekstur og viðhald sýndarvéla
Uppsetning, uppfærsla og öryggisviðhald netþjóna
Innri upplýsingatækniaðstoð við starfsfólk
Stuðningur við þjónustur fyrirtækisins þegar rekstrarvandamál koma upp
Vöktun og eftirlit með kerfum og innviðum
Almenn netrekstrarvinna, bilanagreining og viðhald
Umsjón með eldveggjum og netöryggi
Þátttaka í sjálfvirknivæðingu uppsetninga, uppfærslna og rekstrarferla
Gerð og viðhald skriftna með Python, Ansible og Bash

Menntunar- og hæfniskröfur

Menntun sem nýtist í starfi
Reynsla af rekstri Linux- og/eða Windows-umhverfa
Þekking á sýndarvæðingu og netþjónarekstri
Góð þekking á netkerfum og bilanagreiningu
Reynsla af sjálfvirknivæðingu og skriftun
Frumkvæði, sjálfstæði í vinnubrögðum og góð samskiptahæfni

Kostur ef umsækjandi hefur þekkingu á

Nagios, Kibana eða öðrum vöktunar- og greiningarkerfum
Elasticsearch rekstri, uppfærslum og viðhaldi
SQL gagnagrunnum og gagnagrunnsumsýslu
Gámaumhverfum á borð við Docker eða Podman
CI/CD lausnum og verkfærum eins og Jenkins
Registry lausnum, t.d. Sonatype
Load balancing lausnum, sérstaklega F5

Fríðindi í starfi

• Niðurgreiddur hádegsimatur í mötuneyti
• Gjaldfrjálst aðgengi að léttu fæði á vinnutíma
• Frábær starfsandi, reglulegir viðburðir og virkt starfsmannafélag
• Heilsustyrkur og símastyrkur og önnur fríðindi í gegnum stéttarfélag

Sótt er um starfið í gengum Alfreð.
Umsóknarfrestur er til 10. júlí 2026.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Starfsfólk er ráðið í samræmi við lög um jafna meðferð á vinnumarkaði nr. 86/2018 og lög um jafnan rétt og jafna stöðu kynjanna nr. 150/2020.

Umsjón hefur Þórunn Stefánsdóttir, fjármála- og mannauðsstjóri Auðkennis.

Við hlökkum til að heyra frá þér!

Utworzono ofertę pracy10. June 2026

Termin nadsyłania podań10. July 2026

Znajomość języków