Kennsluráðgjafi til skólaþjónustu
Skólaþjónusta Árborgar auglýsir lausa stöðu kennsluráðgjafa til að ganga til liðs við samheldinn og þverfaglegan hóp starfsfólks. Skólaþjónustan er hluti af fjölskyldusviði Árborgar þar sem mikil áhersla er lögð á þverfaglegt samstarf skóla-, velferðar- og frístundaþjónustu.
Skólaþjónustan sinnir margþættum verkefnum með það að leiðarljósi að mæta fjölbreyttum þörfum barna, foreldra og starfsfólks skóla og frístundar. Mikil áhersla er lögð á snemmtækan stuðning, lausnaleit, þróun úrræða, öfluga skólaþróun, fræðslu og námskeið bæði fyrir börn, foreldra og starfsfólk skóla og frístundar.
Um 100% stöðu er að ræða.
Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.
- ráðgjöf til starfsfólks, skólastjórnenda, foreldra og nemenda í grunnskólum m.a. vegna náms- og hegðunarvanda nemenda, þroskafrávika, líðan og samskipta heimilis og skóla
- ráðgjöf sem tengist kennslu, starfsháttum og starfstengdri leiðsögn
- ráðgjöf varðandi starfsþróun í grunnskólum
- eftirfylgd og mat á stuðningsþörf nemenda eftir greiningar eða skimanir
- umsjón og eftirfylgd með SIS-C mati
- þverfaglegt samstarf um málefni barna í grunnskólum
- fræðsla og námskeið fyrir foreldra, börn og starfsfólk skóla
- þverfaglegt samstarf á fjölskyldusviði
- háskólapróf í grunnskólakennarafræði er skilyrði
- háskólapróf í þroskaþjálfafræði er æskileg
- framhaldsmenntun sem nýtist í starfi æskileg
- reynsla af starfi úr grunnskólum er skilyrði
- reynsla af teymisvinnu og þverfaglegu samstarfi æskileg
- lipurð og góð færni í mannlegum samskiptum
- frumkvæði og sjálfstæði í vinnubrögðum og góð skipulagshæfni
- góð íslenskukunnátta og hæfni til að tjá sig í ræðu og riti æskileg
Sveigjanlegur vinnutími, full vinnustytting, góður starfsandi, handleiðsla
islandzki
