Iðjuþjálfi - Vertu hluti af öflugu teymi iðjuþjálfa á Landakoti
Við leitum að iðjuþjálfa með áhuga á endurhæfingu til starfa með okkur á Landakoti. Þar starfar góður og samhentur hópur iðjuþjálfa og sérhæfðs aðstoðarfólks og hentar starfið jafnt reynslumiklum sem nýútskrifuðum iðjuþjálfum. Mikill stuðningur í boði fyrir rétta aðilann.
Markmið iðjuþjálfunar á Landakoti er að gera einstaklinginn eins sjálfbjarga og geta hans og vilji leyfir. Íhlutun er fjölbreytt og áhersla á þverfaglega teymisvinnu.
Innan iðjuþjálfunar á Landspítala starfa um 40 iðjuþjálfar og sérhæft aðstoðarfólk á ýmsum starfseiningum spítalans. Störf okkar eru fjölbreytt og gefst starfsfólki tækifæri á að öðlast víðtæka þekkingu innan fagsins. Mikið faglegt starf er unnið og eru ýmsir möguleikar á endurmenntun.
Við leggjum mikla áherslu á að taka vel á móti nýju samstarfsfólki og veita góða aðlögun. Áhugasömum er bent á að hafa samband við Svanborgu Guðmundsdóttur, yfiriðjuþjálfa á Landakoti, til að fá nánari upplýsingar.
Unnið er í dagvinnu og boðið er upp á sveigjanlegan vinnutíma. Starfshlutfall er 80-100% og er starfið laust frá 1. nóvember 2026 eða samkvæmt nánara samkomulagi. Vinnuvika í fullu starfi er 36 klukkustundir.
- Ábyrgð á þeirri iðjuþjálfun sem hann veitir og mat á árangri meðferðar
- Umsjón yfir sinni íhlutun s.s. handaþjálfun, ADL/IADL þjálfun o.s.frv
- Skráning og skýrslugerð
- Fræðsla og skipulagning starfa aðstoðarfólks iðjuþjálfa á deild/um
- Fræðsla til sjúklinga og aðstandenda
- Þátttaka í þverfaglegu samstarfi/teymi
- Þátttaka í fagþróun
- Íslenskt starfsleyfi sem iðjuþjálfi
- Faglegur metnaður og ábyrgð í starfi
- Hæfni í mannlegum samskiptum og jákvætt viðhorf
- Skipulagshæfni, frumkvæði og sjálfstæði í vinnubrögðum
- Góð íslenskukunnátta áskilin
islandzki
