Hresst og ævintýragjarnt NPA aðstoðarfólk óskast

Ég er 61 árs maður með MND sjúkdóm, búsettur í Kópavogi ásamt konu og dóttur. Ég leita að lífsglöðum, traustum og opnum einstaklingi sem vill vera partur af daglegu lífi mínu – og ekki síður fylgja mér í ævintýrin, hvort sem þau eru hér heima eða úti í heimi.

Óska ég því eftir einstaklingi sem er ekki bundinn við að starfa á höfuðborgarsvæðinu þar sem einhver ferðalög eru á döfinni hjá mér og minni fjölskyldu.

Um starfið:
Dagarnir mínir eru fjölbreyttir og misrólegir – stundum afslappaðir, stundum meira fjör. Ég þarf aðstoð við allar athafnir daglegs lífs og því er starfið bæði mikilvægt og gefandi. Ég hef gaman af útivist, ferðalögum og að uppgötva nýja staði – og vil gjarnan finna einhvern sem er tilbúinn í að taka þátt í því með mér.

Þar sem ég á bíl með hjólastólalyftu er mikilvægt að þú hafir bílpróf og sért örugg/ur bak við stýrið.

Ég er að leita bæði að fólki í fullt starf á dagvöktum og hlutastarf.Kröfur:

• Bílpróf, reykleysi og hrein sakaskrá (skilyrði)
• Góð kunnátta í íslensku og ensku (skilyrði)
• Hress, jákvæður og opinn einstaklingur sem er til í allskyns verkefni
• Áreiðanleiki, stundvísi og gott viðmót