Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Profil pracodawcy

Geislafræðingur í hjartaómun

Laust er til umsóknar starf geislafræðings við hjartaómun á Landspítala. Starfið er laust nú þegar eða eftir samkomulagi.

Hjartaómun er sjálfstætt starfandi eining undir hjartarannsóknarstofu og er með starfsstöðvar bæði á Hringbraut og í Fossvogi. Starfsfólk vinnur mikið sjálfstætt en einnig í samstarfi við hjartalækna. Starfsfólk fær markvissa þjálfun og öðlast mikilvæga sérþekkingu við ómun sjúklinga sem koma bæði af legudeildum og göngudeildum.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Wymagane wykształcenie i kwalifikacje

Íslenskt starfsleyfi geislafræðings

Frumkvæði, sjálfstæði og skipulögð vinnubrögð

Jákvætt viðmót og hæfni í mannlegum samskiptum

Mikill áhugi á hjartanu og starfsemi þess

Þekking og reynsla af hjartaómun er kostur

Góð íslenskukunnátta skilyrði

Główne zadania i obowiązki

Ómanir af hjarta og varðveisla gagna þar að lútandi

Úrvinnsla og túlkun niðurstaðna í samvinnu við hjartalækna

Þátttaka í öðrum verkefnum á hjartaómun eftir nánari ákvörðun stjórnanda

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag geislafræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, geislafræðingur, lífeindafræðingur, teymisvinna

Tungumálahæfni: íslenska 3/5

Staðsetning: Hringbraut, 101 Reykjavík

Nánari upplýsingar

Birgir Magnússon

Tölvupóstur: [email protected]

Utworzono ofertę pracy7. August 2026

Termin nadsyłania podań20. August 2026

Znajomość języków