Dineout ehf. leitar að drífandi og lausnamiðuðum deildarstjóra þjónustu

Um er að ræða lykilhlutverk í ört vaxandi hugbúnaðarfyrirtæki þar sem verkefnin felast meðal annars í að leiða framsýnt þjónustuteymi, innleiða nýja viðskiptavini og efla tengsl við núverandi viðskiptavini með framúrskarandi þjónustu.

Unnið er á skrifstofu fyrirtækisins við Katrínartún 2 í Reykjavík.

Dineout ehf. er leiðandi hugbúnaðarhús með áherslur á lausnir fyrir veitingastaði, hótel, þjónustufyrirtæki og annan rekstur. Fyrirtækið var stofnað árið 2017 og hefur verið í miklum vexti síðan. Það samanstendur af þverfaglegu teymi forritara, verkfræðinga og sérfræðinga með mikla reynslu og þekkingu af daglegum rekstri veitingastaða og þjónustuaðila.