Félagsvísindasvið Háskóla Íslands

Deildarstjóri Viðskiptafræðideildar

Laust er til umsóknar fullt starf deildarstjóra Viðskiptafræðideildar á Félagsvísindasviði Háskóla Íslands. Deildarstjóri tilheyrir stjórnsýslu sviðs og er rekstrarstjóri Félagsvísindasviðs næsti yfirmaður hans. Deildarstjóri vinnur jafnframt náið með deildarforseta Viðskiptafræðideildar. Við Viðskiptafræðideild er boðið upp á fimm grunnnámslínur, þrettán meistaranámslínur auk doktorsnáms. Árlega brautskrást um 300 nemendur úr námi við deildina og þar starfa hátt í fjörutíu fastir kennarar og fjöldi stundakennara.

Helstu verkefni og ábyrgð

Umsjón og eftirfylgni með fjármálum og daglegum rekstri deildar í samstarfi við rekstrarstjóra og deildarforseta
Fjárhagsáætlanagerð og eftirfylgni hennar í samvinnu við deildarforseta
Skipulag funda og viðburða á vegum deildar og eftirfylgni með ákvörðunum
Samstarf og aðstoð við deildarforseta í daglegum störfum og við framkvæmd stefnu deildar
Samstarf við kennara deildar og þátttaka í samhæfingu daglegrar starfsemi.
Teymisvinna innan Félagsvísindasviðs m.a. í fjármálum, markaðs- og kynningarmálum og móttöku nýs starfsfólks í deild
Þátttaka í þróun samstarfs deildar við atvinnulíf og stuðningur við verkefni sem efla tengsl deildarinnar við fyrirtæki og stofnanir

Menntunar- og hæfniskröfur

Háskólapróf sem nýtist í starfi, meistarapróf er kostur
Reynsla af fjármálum og/eða rekstri
Reynsla af störfum í opinberri stjórnsýslu er kostur
Góð tölvufærni, þar á meðal í Excel
Góð íslensku- og enskukunnátta, bæði í töluðu og rituðu máli
Góð færni í mannlegum samskiptum og rík þjónustulund
Frumkvæði, nákvæmni, metnaður og sjálfstæði í vinnubrögðum

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir

Utworzono ofertę pracy26. March 2026

Termin nadsyłania podań7. April 2026

Znajomość języków