Sorpa bs.

Byggðasamlagið SORPA er í eigu sex sveitarfélaga; Reykjavíkur, Kópavogs, Hafnarfjarðar, Garðabæjar, Mosfellsbæjar og Seltjarnarness. Hlutverk SORPU bs. er að annast meðhöndlun úrgangs og sinna þannig lögbundinni skyldu sveitarfélaganna og á sama tíma endurspegla áherslur eigenda sinna í að ná markmiðum hringrásarhagkerfisins. SORPA bs. sér um rekstur móttöku- og flokkunarstöðvar, gasog jarðgerðarstöðvar, urðunarstaðar og sex endurvinnslustöðva. Þá hefur félagið einnig umsjón með grenndargámum fyrir hönd sveitarfélaganna, rekur nytjamarkaðinn Góða hirðinn og Efnismiðlun Góða hirðisins. Starfsstöðvar fyrirtækisins eru tólf talsins og eru höfuðstöðvar SORPU bs. á Köllunarklettsvegi 1 í Reykjavík

Profil pracodawcy

Deildarstjóri tækni og reksturs GAJA

SORPA leitar að öflugum deildarstjóra tækni og reksturs fyrir gas- og jarðgerðarstöð SORPU (GAJA).

Deildarstjóri ber ábyrgð á tæknilegum rekstri svæðisins og tryggir að kerfi stöðvarinnar gangi sem skyldi og sé viðhaldið. Deildarstjóri leiðir jafnframt umbætur á ferlum og tekur þátt í mótun langtímaáætlana um þróun innviða. Auk þess að gegna hlutverki öryggisvarðar GAJA, situr deildarstjóri í öryggisnefnd og tryggir að öryggismál og starfshættir uppfylli bæði lögbundnar og innri kröfur í daglegum rekstri stöðvarinnar.

Helstu verkefni og ábyrgð

Umsjón með ferlakerfum (lífgas, moltugerð, loftfirrt gerjun, gasmeðhöndlun o.fl.)
Skráning og greining frammistöðuvísa (SCADA/handvirkt)
Skipulag og samhæfing viðhalds, skoðana og viðgerða
Skýrslugerð og framleiðslutölfræði til sviðsstjóra
Umsjón með CMMS kerfi og birgðayfirliti
Þátttaka í þróunarverkefnum og innleiðingu nýrra kerfa
Öryggisgæsla og áhættumat í samvinnu við öryggisstjóra og mannauðsstjóra SORPU
Stuðningur við leiðtoga GAJA og önnur tilfallandi verkefni

Menntunar- og hæfniskröfur

Háskólamenntun í vél-, rafmagnsverkfræði eða skyldum greinum
A.m.k tveggja ára reynsla af tæknilegum rekstri, viðhaldsstjórnun eða stjórn iðnaðarstöðva, í lífgas-, úrgangsmeðhöndlun, moltugerð eða sambærilegum geira er kostur
Þekking á gæðavottuðu umhverfi og mikil öryggisvitund
Reynsla af stjórnun og mannaforráðum
Góð samskiptahæfni
Færni í SCADA, CMMS, Office og SharePoint
Þekking á iðnaðarferlakerfum og hæfni í að lesa tækniteikningar
Hafa bílpróf, vinnuvélaréttindi kostur
Góð íslensku- og enskukunnátta
Áhugi á umhverfismálum

Nánari upplýsingar

Þórdís Sif Arnarsdóttir – [email protected]

Utworzono ofertę pracy27. August 2025

Termin nadsyłania podań19. September 2025

Znajomość języków